Google Docs дадае мажлівасць прагляду недрукаваных сімвалаў — функцыю, якая павінна была ўжо даўно існаваць
Як жартуюць карыстальнікі, яны былі ўпэўненыя, што такая магчымасць існавала ўжо даўно, і дзіўна, як гэта яшчэ не стала даступным да цяперашняга моманту.
Google абвясціў, што дадае функцыю ў Google Docs, якая дазваляе бачыць недрукаваныя сімвалы, такія як прабелы, табуляцыі і розныя тыпы разрываў. Параметр, які будзе даступны ў меню «Прагляд» (View), можа палегчыць рэдагаванне дакумента, паказваючы вам, як менавіта ён адфарматаваны, а не прымушае вас спадзявацца толькі на ўласнае адчуванне. Гэтак жа новая функцыя можа быць больш карыснай пры ліквідацыі непаладак фарматавання.
Раней карыстальнікам даводзілася разлічваць на дадаткі іншых вытворцаў для Google Docs, каб бачыць недрукаваныя сімвалы. Нягледзячы на тое, што многім людзям гэта асаблівасць не трэба, попыт на яе, безумоўна, быў. Карыстальнікі пакідалі незадаволеныя каментары на Google IssueTracker, у якіх называлі гэта сур'ёзнай праблемай з дакументамі Google, а таксама здзіўляліся, як гэта функцыя яшчэ не стала даступнай.
Новая функцыя дазволіць лягчэй праглядаць і рэдагаваць фарматаванне ў дакуменце. Прыкладам, цяпер стане лягчэй заўважыць розніцу ў памеры шрыфта, адрозніваць абзац ад разрыву радка, вызначаць некалькі разрываў абзацаў замест аднаго і выяўляць іншыя дзіўныя рэчы. Магчымасць бачыць фарматаванне дазваляе неадкладна выправіць праблему, без метаду спроб і памылак.
Таму некаторыя карыстальнікі Google Docs, асабліва тыя, чыя прафесійная дзейнасць звязаная з напісаннем вялікай колькасці тэкстаў, ужо вельмі ўсхваляваныя з’яўленнем доўгачаканай функцыі. Згодна з паведамленнем Google, функцыя будзе даступная для ўсіх дзелавых, адукацыйных ды асабістых уліковых запісаў і павінна быць цалкам разгорнутая да 7 лютага, піша The Verge.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Каментары