Літоўскія службы расследуюць, хто дапамагае пастаўляць беларускія ўгнаенні ў Еўропу. Затрымалі карбаміду на 2 млн еўра
Крымінальная служба літоўскай мытні ў супрацоўніцтве з Дэпартаментам дзяржбяспекі і Службай расследавання фінансавых злачынстваў Літвы расследуюць факт кантрабанды ўгнаенняў, вырабленых кампаніяй «Гродна Азот», якая патрапіла пад санкцыі ЕС, піша Delfi.
Дасудовае расследаванне было распачатае 13 студзеня 2023 года. Яго ўзначальвае пракурор Клайпедскай акруговай пракуратуры. Раней расследаванне не каментавалі, каб не замінаць працы.
Затрымана больш за 3 тысячы тон карбаміду (кошт угнаенняў большы за 2 млн еўра), якія везлі па чыгунцы.
У кампаніях (яны не называюцца) трох гарадоў на тэрыторыі Літвы былі праведзеныя вобшукі. Падазраюць, што гэтыя кампаніі маглі ўдзельнічаць у «ценявых» схемах для абыходу міжнародных санкцый.
У справе двое падазраваных, яны затрыманыя.
Нядаўна выйшла расследаванне, дзе сцвярджалася, што карбамід па-ранейшаму возяць з Беларусі ў іншыя краіны Еўропы — чыгуначным і грузавым транспартам.
Яго возяць нібыта ад іншай кампаніі, хоць адзіны яго вытворца ў Беларусі — «Гродна Азот».
13 лютага «Рабочы рух» паведаміў, што яны заблакавалі дзве фуры на выездзе з пагранперахода «Прывалка — Райгарад». Машыны былі загружаныя карбамідам і мелі сербскія нумары.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары