Свет1111

Уладзімір Познер адчуў сорам за журналістаў, але наўрад ці за расійскіх

Днямі знакаміты яшчэ з далёкіх савецкіх часоў расійскі журналіст 88-гадовы Уладзімір Познер упершыню з пачатку развязанай Расіяй поўнамаштабнай вайны з Украінай публічна выказаўся пра бягучыя падзеі, удзельнічаючы ў ютуб-трансляцыі, арганізаванай арганізацыяй Code Pink. Там ён раскрытыкаваў асвятленне вайны ў СМІ і сказаў, што «калі ёсць пекла, журналісты туды трапяць». Некаторыя падумалі, што гэта ён пра расійскіх прапагандыстаў. Але, як піша расійская служба «Радыё Свабода», агульны кантэкст схіляе да таго, каб думаць інакш.

«Мне сорамна за маю прафесію, мне сорамна за тое, што робяць, за хлусню, якая прадстаўляецца як праўда, за прапаганду ў найгоршым сэнсе гэтага слова. Я не павінен гэтага казаць, але я скажу. Я атэіст, але калі ёсць пекла, то журналісты туды трапяць», — так сказаў Познер.

Аднак «Радыё Свабода» адзначае, што стрым, у якім прыняў удзел Познер, быў адмыслова прысвечаны вайне ва Украіне і насіў яўна праўладны характар. У яго апісанні гаворыцца, што «вайна ва Украіне пачалася ў 2014 годзе, калі Злучаныя Штаты арганізавалі пераварот ва Украіне, каб зрынуць рэжым, пры якім Украіна была нейтральнай краінай, і замяніць яе на антырасійскі і праамерыканскі рэжым, які неадкладна пачаў вайну супраць Данбаса». Гэта акурат тое самае, што нястомна транслююць пуцінскія прапагандысты. Ды і сама арганізацыя Code Pink пазіцыянуе сябе як «фемінісцкая арганізацыя, якая імкнецца да таго, каб пакончыць з войнамі і імперыялізмам ЗША».

Познер на гэтым стрыме каля гадзіны чытаў гістарычную лекцыю аб прычынах, якія, на яго думку, прывялі да вайны ва Украіне, і хоць не адмаўляў адказнасці Пуціна за ўварванне, аднак спрабаваў растлумачыць логіку дзеянняў расійскага прэзідэнта. 

У сваім выступе Познер, хоць і з агаворкамі, па многіх пунктах фактычна або падтрымліваў тэзісы Крамля, ці прынамсі выступаў з іх разуменнем.

Напрыклад, ён сцвярджаў, што Захад даваў абяцанне не пашыраць НАТА (хоць і нефармальнае) і не стрымаў яго, а таксама сцвярджае, што ЗША «пстрыкалі мядзведзя па носе», правакуючы Расію.

Таксама Познер задаецца пытаннем, як бы адрэагавалі ЗША, калі б у Мексіцы да ўлады прыйшоў антыамерыканскі прэзідэнт і паклікаў на дапамогу расійскае войска — люстраная сітуацыя, на яго думку, адбылася ва Украіне. Украінскага прэзідэнта Уладзіміра Зяленскага ён лічыць цалкам залежным ад ЗША.

Пры гэтым Познер не кажа, што падтрымлівае вайну, а толькі заклікае «аналізаваць факты» і зразумець логіку Крамля.

У гэтым кантэксце яго ацэнка журналістаў успрымаецца перш за ўсё як крытыка заходніх СМІ, якія асвятляюць канфлікт з праўкраінскіх пазіцый. Па словах Познера, прадстаўнікі заходніх ліберальных эліт зусім не разумеюць, што адбываецца ў Расіі і Украіне.

Па словах Познера, большасць з тых, з кім ён мае зносіны ў Расіі, выступаюць супраць вайны, але 80% насельніцтва краіны падтрымлівае Пуціна.

Каментары11

  • BLR
    06.03.2023
    [Рэд. выдалена]
  • Все с ним понятно давно понятно
    06.03.2023
    Так это тот самый познер, который еще в совковые годы был пропагандоном и обслуживал партию. Ясно, понятно.
  • Ыть
    06.03.2023
    Молодец Познер. Достал язык; высказался; засунул язык в то место, где он был до этого. И никакого стыда. Но голова для такого возраста варит хорошо, линию партии понимает и принимает без колебаний. Не изменился с советских времен, скользкий и обтекаемый, как медуза. 

Цяпер чытаюць

У шасці беларускіх гарадах Беларусі пачалася эпідэмія рэспіраторных інфекцый. А якая сітуацыя ў цэлым?

У шасці беларускіх гарадах Беларусі пачалася эпідэмія рэспіраторных інфекцый. А якая сітуацыя ў цэлым?

Усе навіны →
Усе навіны

Разам з прапагандыстам Федарчаком загінулі яшчэ два прадстаўнікі расійскіх СМІ9

Блогер Vadimati распісаўся анлайн са сваім партнёрам, з якім разам ужо больш за 10 гадоў14

Расія на перамовах у Саудаўскай Аравіі патрабуе ўсю тэрыторыю чатырох украінскіх абласцей21

У «Мінск-Свеце» вырашылі пытанне з аплатай за шыльды на дамах

Дарадца Трампа па нацбяспецы выпадкова дадаў журналіста ў сакрэтны чат у Signal. Раскрытыя механізмы прыняцця рашэнняў17

Трамп: На перамовах у Эр-Рыядзе абмяркоўваюцца тэрытарыяльныя пытанні і валоданне АЭС7

У Беларусі нарэшце з'явяцца электронныя рэцэпты і бальнічныя. Праект затрымаўся на тры гады з-за санкцый1

Ва Украіне загінуў прапагандыст з расійскіх «Известий»4

«Выйшлі з метро і выстраілася чарга». У «Мінаблпасажыртрансе» пракаментавалі сітуацыю з чэргамі на маршруткі2

больш чытаных навін
больш лайканых навін

У шасці беларускіх гарадах Беларусі пачалася эпідэмія рэспіраторных інфекцый. А якая сітуацыя ў цэлым?

У шасці беларускіх гарадах Беларусі пачалася эпідэмія рэспіраторных інфекцый. А якая сітуацыя ў цэлым?

Галоўнае
Усе навіны →

Заўвага:

 

 

 

 

Закрыць Паведаміць