Прэзідэнт Ірана паабяцаў падзяліцца з Беларуссю досведам абыходзіць санкцыі
Іран гатовы падзяліцца з Беларуссю сваім досведам супрацьстаяння санкцыям. Пра гэта прэзідэнт Ірана Эбрахім Раісі заявіў на сустрэчы са СМІ па выніках перагавораў у Тэгеране з Аляксандрам Лукашэнкам, перадае БелТА.
«Мы гатовы дзяліцца нашым вопытам у гэтым напрамку», — сказаў Эбрахім Раісі.
Лукашэнка пагадзіўся, што Ірану ёсць чым дзяліцца.
«Вашы продкі ведалі аб лагістыцы, экспарце, транзіце значна больш за тых, хто больш за сорак гадоў душыць вашу краіну санкцыямі і спрабуе насаджаць так званыя дэмакратычныя каштоўнасці. Яны, відаць, толькі забыліся, што ў кожнага народа ёсць свае каштоўнасці, якія выцякаюць з яго культуры, ладу жыцця, выхавання, рэлігіі, і з гэтымі каштоўнасцямі трэба лічыцца. Менавіта ў гэтым залог мірнага суіснавання. Там, дзе пра гэта забываюцца, пачынаюцца войны», — сказаў Лукашэнка.
Па выніках перагавораў Аляксандр Лукашэнка і Эбрахім Раісі падпісалі дарожную карту ўсебаковага супрацоўніцтва паміж краінамі на 2023—2026 гады.
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца17
Каментары