Украіна аднаўляе экспарт электраэнергіі, паведаміў у пятніцу міністр энергетыкі Украіны Герман Галушчанка. Адначасова быў падпісаны распарадчы дакумент, які дазваляе пачаць працэс аднаўлення экспарту электраэнергіі.
«Украінская энергасістэма ўжо амаль два месяцы працуе без абмежаванняў спажыўцоў з запасам магутнасці. Гэтага выніку мы дамагліся дзякуючы тытанічнай працы энергетыкаў, нашых міжнародных партнёраў, якія дапамагалі ў аднаўленні сістэмы. Самая складаная зіма пройдзеная. Наступны крок — адкрыццё экспарту электраэнергіі, што дазволіць прыцягнуць дадатковы фінансавы рэсурс для неабходнага аднаўлення знішчанай і рамонту пашкоджанай энергетычнай інфраструктуры», — адзначыў Герман Галушчанка.
Дазволеная еўрапейскай сеткай аператараў сістэмы перадачы ENTSO-E Магутнасць для экспарту складае 400 МВт.
Са слоў міністра, адкрыццё экспарту — гэта адказ украінскіх энергетыкаў на расійскія абстрэлы і спробы знішчыць энергасістэму.
Расія за час вайны выпусціла агулам больш за дванаццаць сотняў ракет і беспілотнікаў па ключавых украінскіх энергетычных аб'ектах, удакладнілі ў Міністэрстве энергетыкі Украіны.
Як паведаміла ў суботу брытанская разведка, Расіі, мяркуючы з усяго, не ўдалося вывесці са строю энергетыку Украіны.
Цяпер чытаюць
Стаў вядомы сэнс крымінальнай «справы страхаўшчыкоў»3
Каментары