Журналісты агенцтва Reuters выявілі ў масіве дакументаў, як мяркуецца, што былі злітыя з Пентагона, сведчанні таго, што Бялград узяў на сябе абавязацельства аказаць Украіне дапамогу ўзбраеннямі, а магчыма, ужо і аказаў яе, піша Бі-бі-сі.
Сербія — адзіная краіна ў Еўропе, якая адмовілася накласці на Расію санкцыі за ўварванне ва Украіну.
Гэтую інфармацыю журналісты Reuters выявілі ў рэзюмэ адказаў еўрапейскіх урадаў на запыты Украіны аб вайсковай падрыхтоўцы і аказанні «смяротнай дапамогі» — пад гэтым тэрмінам, як правіла, разумеецца зброя.
Згодна з дакументам, Сербія адмовілася праводзіць навучанне ўкраінскіх сіл, але абавязалася адправіць смяротную дапамогу ці ўжо дала яе. У ім таксама гаворыцца, што ў Бялградзе ёсць палітычная воля і рэсурсы для таго, каб перадаваць зброю Украіне ў будучыні. Дакумент датаваны 2 сакавіка.
Як адзначае агенцтва, гэта дзіўна, бо Сербія доўгі час успрымалася як адзін з «сяброў» Расіі на сусветнай арэне і па вайне ва Украіне краіна старалася заняць нейтральную пазіцыю. Прэзідэнт Сербіі Аляксандр Вучыч спрабаваў і захаваць цесныя сувязі з Масквой, і не страціць магчымасці ўступлення Сербіі ў ЕС.
Ні ў Кіеве, ні ў Бялградзе гэтую інфармацыю пакуль не каментавалі.
Уцечка сакрэтных дакументаў Пентагона выявілася яшчэ на мінулым тыдні, але журналісты працягваюць разбіраць дзясяткі дакументаў і знаходзяць у іх нешта новае.
У злітых сакрэтных дакументах ЗША тлумачыцца дыверсія ў Мачулішчах
«Робіцца невыносна». Міністр эканомікі Сербіі заклікаў увесці санкцыі супраць Расіі
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары