Упершыню на фестывалі Burning Man будзе прадстаўлена праца беларускай мастачкі
Мастачку-скульптара Марыю Тарлецкую запрасілі на фестываль сучаснага мастацтва і вольнай творчасці Burning Man. Штогадовы фестываль праходзіць у пустыні Блэк-Рок у штаце Невада, на ім мастакі і скульптары з усяго свету прадстаўляюць незвычайныя інсталяцыі і высокатэхналагічныя арт-аб'екты.
Сёлета на фестывалі ўпершыню будзе прадстаўлена скульптура з Беларусі.
«Я лёгка атрымала візу ЗША, зарэгістравалася на сайце Burning Man, адправіла CV, рэзюмэ, біяграфію, project statement, праект скульптуры і праз два тыдні атрымала віншаванні з пацвярджэннем, што я цяпер афіцыйны мастак playa Burning Man! ART BURNING WOMAN! Да гэтага моманту я яшчэ не была знаёмая ні з адным бернерам і цьмяна сабе ўяўляла, што гэта авантура касмічнага маштабу», — дзеліцца навіной Марыя Тарлецкая на сваёй старонцы ў фэйсбуку.
Мастачка расказала, што першапачаткова скульптура будзе сабраная ёй на месцы, а пазней будзе разабраная на часткі, якія павінны змясціцца ў чамадан. Вядома, змяшчаецца яна ў чамадан не ўся, але па задумцы аўтаркі галоўнае — змясціць злучальныя вузлы, шрубы і гайкі.
У штогадовым фестывалі бярэ ўдзел больш за 60 тысяч чалавек з усяго свету. У пустыні Блэк-Рок удзельнікі фестывалю ствараюць горад сваёй мары Black Rock City з жылымі вуліцамі і інфраструктурай, вакол якіх пабудаваныя мастацкія аб'екты, сцэны і забаўляльныя зоны. У цэнтры ўсталяваны сімвал фестывалю — фігура «чалавека, які гарыць», якую па традыцыі ствараюць кожны год, каб у канцы фестывалю спаліць.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары