Upieršyniu na fiestyvali Burning Man budzie pradstaŭlena praca biełaruskaj mastački
Mastačku-skulptara Maryju Tarleckuju zaprasili na fiestyval sučasnaha mastactva i volnaj tvorčaści Burning Man. Štohadovy fiestyval prachodzić u pustyni Błek-Rok u štacie Nievada, na im mastaki i skulptary z usiaho śvietu pradstaŭlajuć niezvyčajnyja instalacyi i vysokatechnałahičnyja art-abjekty.
Sioleta na fiestyvali ŭpieršyniu budzie pradstaŭlena skulptura ź Biełarusi.
«Ja lohka atrymała vizu ZŠA, zarehistravałasia na sajcie Burning Man, adpraviła CV, reziume, bijahrafiju, project statement, prajekt skulptury i praz dva tydni atrymała vinšavańni z paćviardžeńniem, što ja ciapier aficyjny mastak playa Burning Man! ART BURNING WOMAN! Da hetaha momantu ja jašče nie była znajomaja ni z adnym biernieram i ćmiana sabie ŭjaŭlała, što heta avantura kaśmičnaha maštabu», — dzielicca navinoj Maryja Tarleckaja na svajoj staroncy ŭ fejsbuku.
Mastačka raskazała, što pieršapačatkova skulptura budzie sabranaja joj na miescy, a paźniej budzie razabranaja na častki, jakija pavinny źmiaścicca ŭ čamadan. Viadoma, źmiaščajecca jana ŭ čamadan nie ŭsia, ale pa zadumcy aŭtarki hałoŭnaje — źmiaścić złučalnyja vuzły, šruby i hajki.
U štohadovym fiestyvali biare ŭdzieł bolš za 60 tysiač čałaviek z usiaho śvietu. U pustyni Błek-Rok udzielniki fiestyvalu stvarajuć horad svajoj mary Black Rock City z žyłymi vulicami i infrastrukturaj, vakoł jakich pabudavanyja mastackija abjekty, sceny i zabaŭlalnyja zony. U centry ŭstalavany simvał fiestyvalu — fihura «čałavieka, jaki haryć», jakuju pa tradycyi stvarajuć kožny hod, kab u kancy fiestyvalu spalić.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary