Навука і тэхналогіі

Microsoft абвясціў аб адкрыцці доступу да пошукавіка Bing на аснове штучнага інтэлекту для ўсіх карыстальнікаў

Амаль праз тры месяцы пасля таго, як кампанія дэбютавала з абмежаванай папярэдняй версіяй свайго новага Bing, які працуе на базе віруснага чат-бота AI ChatGPT, Microsoft адкрывае яго для ўсіх карыстальнікаў пры ўмове, што тыя ўвайшлі ў пошукавую сістэму праз браўзер Microsoft Edge.

Bing з сродкам штучнага інтэлекту

Пра гэта паведамляе CNN і адзначае, што нягледзячы на заклапочанасць далейшымі перспектывамі развіцця штучнага інтэлекту, якая ўзрасла ў апошнія месяцы, кампанія Mіcrosoft працягвае рухацца наперад.

«Мы становімся лепшымі ў хуткасці, мы становімся лепшымі ў дакладнасці… але мы знаходзімся ў бясконцым пошуку, каб зрабіць усё лепшым і лепшым», —

заявіў CNN віцэ-прэзідэнт Microsoft Юсуф Мэхдзі (Yusuf Mehdi), які курыруе ініцыятывы штучнага інтэлекту.

На прэзентацыі для прэсы былі прадстаўленыя такія новыя магчымасці чат-бота Bing, як магчымасць задаваць яму пытанні з выявамі, доступ да гісторыі чатаў з мэтай запамінання чат-ботам папярэдніх размоў з карыстальнікам, экспарт адказаў у Microsoft World. Карыстальнікі атрымалі магчымасць персаналізацыі тону і стылю адказаў чат-бота.

На сёння Bing мае больш за 100 мільёнаў актыўных карыстальнікаў кожны дзень. Іх колькасць, па словах Мэхдзі, значна павялічылася за апошнія некалькі месяцаў.

Вядома, што ў лютым кампанія прадставіла абноўленую пошукавую сістэму Bing. Акрамя прадстаўлення спісу адпаведных спасылак, як у традыцыйных пошукавых сістэмах, пашукавік Bing стаў ствараць пісьмовыя зводкі вынікаў пошуку, размаўляць з карыстальнікамі, каб адказаць на дадатковыя пытанні пра іх запыты, навучыўся пісаць электронныя лісты або іншыя пісьмовыя кампазіцыі на аснове вынікаў.

Як адзначае CNN, усплёск увагі да ChatGPT, які назіраецца ў апошнія месяцы, дапамог аднавіць «гонку ўзбраенняў» сярод тэхналагічных кампаній па разгортванні падобных інструментаў у сваіх прадуктах.

У авангардзе знаходзяцца OpenAI, Microsoft і Google, але IBM, Amazon, Baidu і Tencent таксама працуюць над падобнымі тэхналогіямі.

Акрамя дадавання функцый штучнага інтэлекту для пошуку, Microsoft заявіла, што плануе прыўнесці тэхналогію ChatGPT у свае асноўныя інструменты павышэння прадукцыйнасці, уключаючы Word, Excel і Outlook.

CNN адзначае, што рашэнне аб дадаванні генератыўных функцый штучнага інтэлекту ў Bing можа быць асабліва рызыкоўным, улічваючы, наколькі людзі спадзяваюцца на пошукавыя сістэмы для атрымання дакладнай і надзейнай інфармацыі.

У сакавіку гэтага года некаторыя з найвядомейшых людзей у галіне тэхналогій, сярод якіх Ілан Маск (Elon Musk) і сазаснавальнік Apple Стыў Возняк (Steve Wozniak) заклікалі лабараторыі штучнага інтэлекту спыніць навучанне самых магутных сістэм штучнага інтэлекту як мінімум на шэсць месяцаў, спасылаючыся на «вялікую небяспеку для грамадства і чалавецтва».

Днямі даследчык Джэфры Хінтан (Geoffrey Hinton), які адыграў вырашальную ролю ў распрацоўцы штучных нейронных сетак, таксама далучыўся да скептыкаў і папярэдзіў аб патэнцыйных пагрозах далейшага развіцця штучнага інтэлекту.

CNN прыводзіць словы віцэ-прэзідэнта Microsoft Юсуфа Мэхдзі аб тым, што заклікі да такой паўзы не вельмі карысныя. «Некаторыя людзі думаюць, што мы павінны прыпыніць распрацоўку на паўгода, але я не ўпэўнены, што гэта нешта выправіць, палепшыць або зрушыць з месца», — адзначыў Мэхдзі і дадаў:

«Адзіны спосаб па-сапраўднаму добра стварыць гэтую тэхналогію — гэта прадставіць яе шырокай публіцы, каб мы маглі яе абмяркоўваць».

Чытайце яшчэ:

Google дае свайму ШІ магчымасць ствараць і адладжваць код

Вялікабрытанія выдаткуе 100 мільёнаў фунтаў стэрлінгаў на распрацоўку ўласнага «суверэннага» штучнага інтэлекту

Кітай хоча, каб штучны інтэлект адлюстроўваў асноўныя каштоўнасці сацыялізму

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць