Эканоміка22

Беларусаў, якія адкрылі бізнэс за мяжой, падтрымалі грашыма

Асацыяцыя беларускага бізнэсу за мяжой (ABBA) вызначыла пераможцаў прэміі «Бізнэс вольнай Беларусі». Пяць кампаній з беларускімі каранямі атрымала па пяць тысяч еўра. Спонсарам узнагароды стаў Еўрасаюз, яшчэ адну намінацыю грашыма падтрымаў сустваральнік платформаў «Голас» і «Новая Беларусь» Павел Лібер, паведамляе «Белсат».

Прэзідэнт ABBA Яўген Буры віншуе Настассю Валасевіч, сузаснавальніцу познанскай кавярні «My» («Мы») падчас узнагароджання пераможцаў прэміі Free Belarus Business Award. 11 мая 2023 года. Варшава, Польшча. Фота: «Белсат»

За ўзнагароды першай прэміі, абвешчанай ABBA дзеля падтрымання беларускіх бізнэсоўцаў, якія пасля 2020-га апынуліся за мяжой, выказала жаданне пазмагацца 70 кампаній з розных сфер — ад будаўнічых прадпрыемстваў да бухгалтарскіх кабінетаў і дызайнерскіх бюро.

Пасля просьбы запоўніць анкету засталося чатыры дзясяткі, з якіх міжнароднае журы абрала фіналістаў. Дзеля бесстароннасці арганізатары паклікалі ў камісію толькі адну беларуску — Паліну Прысмакову з Фларыдскага атлантычнага ўніверсітэта.

«Гэта не быў конкурс стартапаў, — распавяла Прысмакова падчас цырымоніі. — У адказах анкеты мы шукалі, па-першае, наколькі бізнэс беларускі, а ягоныя каштоўнасці супадаюць з каштоўнасцямі ABBA як асацыяцыі. Па-другое, наколькі бізнэс этычны».

Да фіналу дабралася 12 кампаній, сярод якіх былі лагістычная, праектант адзення і распрацоўшчык мабільнага дадатку пра аюрведу. Пераможцамі ў тым ліку сталі анімацыйная міні-студыя з Вільні, кветкавая інтэрнэт-крама з Эстоніі, кавярня з польскай Познані і клінінгавая кампанія Cleanwhale. Апошняя кампанія, адкрытая братамі Іванам і Ільёй Шыламі яшчэ ў Беларусі, пасля 2020-га пачала працаваць у Еўропе, і, мяркуючы па шматлікіх інтэрв’ю яе заснавальнікаў, вельмі паспяхова.

Узнагароду Cleanwhale ўручаў беларускі прадпрымальнік з ЗША Віталь Самсонаў, які патлумачыў, што для беларускіх фірмаў зараз надзвычай важныя дзве рэчы: выйсці на міжнародны рынак і застацца беларусамі ды захаваць нацыянальную ідэнтычнасць, каб падтрымаць беларускую справу.

Неўзабаве літара «A» ў назве Асацыяцыі беларускага бізнэсу за мяжой не будзе патрэбная, а беларусы вернуцца на радзіму і працягнуць сваю справу там, дадаў Самсонаў.

У сваёй асабістай партнёрскай намінацыі Павел Лібер абраў медыка-касметалагічны кабінет, адкрыты беларусамі ў Польшчы.

Паводле слоў віцэ-прэзідэнткі ABBA Марыны Гірын, заявак з Польшчы журы атрымала найбольш.

Чалец журы Якуб Дрождж з Інстытута эканамічнай дыпламатыі прызнаўся «Белсату», што такі сталы прырост фірмаў з беларускім капіталам — як грашовым, гэтак і людскім — стаў асабліва назірацца пасля запуску Польшчай праграмы Poland Business Harbour, спачатку прысвечанай Беларусі, а пазней і іншым краінам за ўсходняй мяжой.

«Беларусы хутка інтэгруюцца з польскім грамадствам. Яны вывучаюць правілы вядзення бізнэсу, вельмі хочуць тут працаваць і сустракаюць прыязных палякаў, якія ім дапамагаюць. Што патрэбна беларусам? Напэўна, спецыяльныя праграмы, якія будуць дапамагаць пазнаваць польскае права, сістэму падаткаў і тое, як можна хутка перанесці бізнэс у Польшчу», — кажа ён.

Каментары2

  • Дзед Стартап
    12.05.2023
    Эх, вось часы: прэмію паспяховая сямейная кампанія АВВА уручае грашыма паспяховага айцішніка, які хутка збіраецца шукаць працу, паспяховаму усеерапейскаму бізнэсу па мыцці ўнітазаў.
    Поспех поспехам паганяе!
  • Максим Дизайнер
    12.05.2023
    А на ремонт в новом баре в Варшаве бегункам собрали?

Цяпер чытаюць

«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам23

«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам

Усе навіны →
Усе навіны

Загінуў 20-гадовы лунінецкі міліцыянер5

Маладога айцішніка з Магілёва асудзілі па чатырох палітычных артыкулах і адправілі ў калонію2

Кіты, карабель-прывід і чырвонае святло: беларус перасёк Атлантыку пад ветразем3

Колькасць машын на польскай мяжы пераваліла за 3500 — гэта рэкорд6

Сустрэча Трампа і Пуціна пачнецца а 22-й гадзіне

Толькі 1% тых, хто выжыў пасля Хірасімы і Нагасакі, пасля памерлі ад ракавых хвароб, выкліканых радыяцыяй9

«Нёман» урваў перамогу ў «Клаксвіка» па пенальці і прабіўся ў плэй-оф кваліфікацыі Лігі канферэнцый13

Прарыў расіян каля Дабраполля: ці сапраўды УСУ ўдалося нейтралізаваць пагрозу2

Трамп спадзяецца на добрую сустрэчу з Пуціным, але не лічыць яе самай важнай5

больш чытаных навін
больш лайканых навін

«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам23

«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам

Галоўнае
Усе навіны →

Заўвага:

 

 

 

 

Закрыць Паведаміць