Грамадства3838

Ігар Сергеенка не лічыць Касцюшку і Каліноўскага нацыянальнымі героямі Беларусі

Сапраўдныя героі — гэта дзеячы Вялікай Айчыннай вайны або героі сучаснай Беларусі, як лётчыкі, што загінулі ў наш час. Пра гэта кіраўнік лукашэнкаўскай Адміністрацыі расказаў у інтэрв'ю Sb.by.

Кіраўнік лукашэнкаўскай Адміністрацыі Ігар Сергеенка. Фота: «Наша Ніва»

«З героямі Вялікай Айчыннай усё вельмі ясна. Гэта азначае, што ў нас ёсць гістарычна вывераная сістэма каштоўнасцяў, як адданасць Айчыне, любоў да роднай зямлі, гатоўнасць стаць на абарону свайго народа і гэтак далей. Гэта значыць, мы можам казаць пра крытэрыі акрэслення нацыянальнага героя. Гэта чалавек, які ў цяжкі перыяд (як героі Вялікай Айчыннай вайны) або ў крытычнай сітуацыі (як нашы лётчыкі, Героі Беларусі, Уладзімір Карват, Андрэй Нічыпорчык, Мікіта Куканенка) робіць неверагодна мужны выбар. Ахвяруе або рызыкуе сваім жыццём, абараняючы родную зямлю, людзей. Ці самааддана жыве, аддаючы ўсяго сябе высакароднай ідэі, якая служыць на карысць, акцэнтую, свайго народа, як савецкія Героі Сацыялістычнай Працы, Герой Беларусі Мітрапаліт Філарэт», — мяркуе Ігар Сергеенка.

А вось кіраўніка паўстання 1794 года Тадэвуша Касцюшку ён героем не лічыць.

«Скажам, ці можна назваць нацыянальным героем Касцюшку? Асоба яркая. Быў высакародны. Самааддана служыў ідэі.

Але гэтая ідэя не была беларускай. Так, мы не можам выкрасліць яго са сваёй гісторыі, гэта супраць нашых прынцыпаў.

Але павінны дакладна вызначыць яго ролю ў ёй, каб, як вы правільна заўважылі, нашы дзеці разумелі, на каго раўняцца. Таму што сфальсіфікаваны вобраз нацыянальнага героя здольны ў роўнай ступені як аб'яднаць, так і раскалоць грамадства», — кажа кіраўнік Адміністрацыі.

Таксама ён не лічыць героем і Кастуся Каліноўскага.

«Прыклад таму — створаны ў савецкай гістарыяграфіі міф пра Каліноўскага. Мы ўбачылі на свае вочы, як небяспечна скажаць факты ці хаваць частку праўды. Савецкае пакаленне вырасла на прыкладзе гераічнай барацьбы рэвалюцыянера Каліноўскага з царызмам. А сёння на асобе гэтага так званага героя, на прыкладзе яго барацьбы за ідэю аднаўлення польскай Рэчы Паспалітай іграе знешні вораг, спрабуючы ўбіць клін паміж брацкімі народамі, раскалоць грамадства ўнутры адной краіны.

У паўстанцаў, у самога Каліноўскага ёсць словы: «польская справа — наша справа». І ён сам у адным з «Лістоў з-пад шыбеніцы» піша, што паўстанне гэта польскае. Ні ў кога сумнення не было, што гэта будзе Польшча. Магчыма, федэрацыя. Але ні ў адным праграмным дакуменце паўстання гаворка пра незалежнасць Беларусі ці Літвы не вялася.

Апублікаваныя падрабязнасці зверскіх распраў каліноўцаў з беларускім праваслаўным насельніцтвам ужо многіх працверазілі. Выразалі людзей за нежаданне падтрымліваць Польскае паўстанне, гэта значыць за пазіцыю, за вернасць сваёй ідэнтычнасці», — сцвярджае Ігар Сергеенка.

У гэтым кіраўнік лукашэнкаўскай Адміністрацыі транслюе ідэі расійскага прапагандыста Аляксандра Дзюкава, заўважае reform.by.

Таксама Сергеенка не лічыць героем навукоўца Барыса Кіта, закідаючы яму спачатку супрацоўніцтва з немцамі, а потым з амерыканцамі — «ворагамі савецкага народа».

«Мы можам ганарыцца тым, што на нашай зямлі нараджаюцца геніі. Але, напрыклад, ці назавём мы сваім нацыянальным героем таленавітага навукоўца, які супрацоўнічаў у гады акупацыі з немцамі, пасля вайны жыў і працаваў у ЗША? Не проста працаваў. У самы разгар халоднай вайны ўдзельнічаў у распрацоўках паліва для касмічных караблёў і ракет, якія былі накіраваны на яго радзіму».

«Патрэбныя дакладныя крытэрыі ацэнкі ўкладу асобы ў гісторыю сваёй краіны і маркеры недатычнасці да гэтай гісторыі, як факты служэння інтарэсам іншых дзяржаў. Толькі так можна фармаваць пантэон нацыянальных герояў», — рэзюмаваў Ігар Сергеенка.

Каментары38

  • Народ
    17.05.2023
    Яркий пример причин, почему СССР развалился.
  • Prostaja praŭda
    17.05.2023
    Ihar Sierhiejenka nie biełaruski — jon saviecki.
  • Ый
    17.05.2023
    Мы вас услышали, ваше мнение очень важно для нас. Вот честное слово, важнее даже чем мнения таксистов или вахтеров с гардеробщиками.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць