Кіно11

Фільм «II» рэжысёркі Улады Сяньковай можна паглядзець у анлайн-кінатэатры беларускага кіно Vodblisk

Сёння фільм «II» рэжысёркі Улады Сяньковай папоўніў медыятэку анлайн-кінатэатра беларускага кіно Vodblisk. Для тых, хто па-за Беларуссю, прагляд фільма каштуе 5$. Тыя, хто знаходзіцца на тэрыторыі Беларусі, у 2023 годзе могуць глядзець бясплатна не толькі гэты, але і іншыя фільмы праекта.

Кадр з фільма

«II» — сучасная ігравая драма пра беларускіх падлеткаў, якая ўздымае пытанні, што папраўдзе тычацца многіх людзей. Сярод гэтых тэм — булінг у школе, дыскрымінацыя ЛГБТ+, сэкс і недахоп сэксуальнай адукацыі. Ёсць і яшчэ адна важная тэма, якая асвятляецца ў фільме, аднак не будзем апярэджваць і пазбаўляць вас магчымасці ўбачыць усё самім.

«Для мяне гэта праект пра недахоп сэксуальнай адукацыі ў маёй і суседніх краінах. Пра недахоп адукацыі, перш за ўсё, у дарослых, ад якіх ідзе ўся агрэсія і невуцтва», — дзялілася думкамі рэжысёрка Улада Сянькова пасля прэм'еры фільма ў 2019 годзе.

Стужка «II» створаная ўжо неіснуючым «АРТ Карпарэйшн» сумесна з ЮНЕСКА. Усё кіно знялі ў крытычна сціслыя тэрміны праз невялікі бюджэт — за шэсць дзён. Аднак гэта ніяк не паўплывала на яго якасць. Фільм ацанілі на Варшаўскім кінафестывалі ўзнагародай «Асаблівая згадка журы» ў конкурснай секцыі «Свабодны дух». А ў 2022 годзе першую незалежную прэмію беларускай кінапрэсы «Чырвоны верас» прысудзілі кінастужцы Улады Сяньковай «II» у катэгорыі «Найлепшы ігравы поўнаметражны фільм».

З цікавага: у эпізадычных ролях у фільме з'яўляюцца былы франтмен Купалаўскага тэатра Раман Падаляка і кінааналітык і праграмны дырэктар Беларускага конкурсу кінафэсту «Паўночнае ззянне» Ігар Сукманаў. Меламанаў парадуюць знаёмыя трэкі, бо на школьнай дыскатэцы ў фільме грае «Я бунтар» Бакея, трэкі Alyona Alyona і «ЛСП».

Калі вы ўсё яшчэ не да канца разумееце, чаго вам чакаць ад прагляду, то словы самой рэжысёркі пра свой фільм унясуць канчатковую яснасць: «Калі б я была кінакрытыкам, то напісала б, што гэта драйвовая гісторыя для людзей рознага ўзросту ад 16 гадоў». Рэжысёрка па досведзе ведае, што яе кіно выклікае розныя эмоцыі: «Глядач і пасмяецца, і паплача, і ў канцы прагляду будзе акрылены і ў роздумах».

Паглядзіце трэйлер.

Прагляд фільма «II» з замежжа можна набыць за 5$. Доступ да фільма захоўваецца 30 дзён з моманту першага прагляду, пры гэтым глядзець яго можна любую колькасць разоў. А для гледачоў, якія знаходзяцца на тэрыторыі Беларусі, прагляд даступны бясплатна, як і ўвесь рэпертуар медыятэкі VODBLISK у 2023 годзе. 

Каб не прапусціць навінкі беларускага кіно, падпішыцеся на сацыяльныя сеткі праекта — Instagram, Facebook.

Вы можаце падтрымаць данатам дзейнасць каманды кінафестывалю «Паўночнае ззянне» і анлайн-кінатэатра беларускага кіно Vodblisk.

Каментары1

  • mikola
    01.06.2023
    Jak ni adczynis neiku reklamu=Use hoczuc Groshau ! Dze ih brac ?

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць