Літва можа забараніць транзіт некаторых тавараў у Беларусь і Расію
Літва можа забараніць транзіт некаторых тавараў у Беларусь і Расію, заявіла міністр эканомікі краіны Аўшрыне Арманайце. Гаворка ідзе пра тавары падвойнага прызначэння, якія патэнцыйна могуць выкарыстоўвацца РФ для агрэсіі супраць Украіны. Тэрмін забароны складзе адзін год.
«Ужо некаторы час мы збіраем інфармацыю пра транзіт праз тэрыторыю Літвы розных значных тавараў, якія вырабляюцца за межамі Літвы і ідуць праз Літву ў некаторыя аддаленыя краіны. Гэтыя тавары ідуць наземнымі шляхамі праз Беларусь і Расію, і мы занепакоеныя значным павелічэннем патоку некаторых важных тавараў. У нас ёсць звесткі аб тым, што некаторыя з гэтых тавараў могуць быць выкарыстаныя ў вайне ва Украіне і аказацца на полі бою», — сказала Аўшрыне Арманайце, паведамляе Reform.by са спасылкай на BNS.
Арманайце адзначыла, што некаторыя з пазіцый падсанкцыйныя, а некаторыя не ахоплены санкцыямі. У асноўным гаворка ідзе пра электроніку. Усяго забарону прапануецца распаўсюдзіць на 65 кодаў таварнай наменклатуры. Ужо падрыхтаваны праект пастановы ўрада. Цяпер ідзе яго ўзгадненне, па выніках якога ўтрыманне пераліку можа быць скарэктавана.
Міністр эканомікі Літвы лічыць, што для таго, каб мера была эфектыўнай, трэба, каб яе падтрымлівалі іншыя краіны, якія мяжуюць з Расіяй і Беларуссю.
Такая мера згадвалася ў прапановах Еўракамісіі для 11-га пакета санкцый супраць Расіі, які дагэтуль не ўзгоднены.
-
«Я вар’яцкі хачу ў Маскву». Беларуска, якая чакае ў ЗША суда за кантрабанду авіякампанентаў у Расію, спадзяецца на дапамогу РФ
-
У Польшчы адбылася самая вялікая ўцечка медыцынскіх асабістых даных у гісторыі краіны. Вось што ўцякло і як засцерагчыся
-
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА25
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары