Лукашэнка пацвердзіў, што мае намер будаваць яшчэ адзін азотны камбінат
Аляксандр Лукашэнка пацвердзіў планы пабудаваць у Беларусі яшчэ адзін камбінат па вытворчасці азотных угнаенняў. Ён таксама заявіў пра неабходнасць павялічыць выпуск фосфарных угнаенняў. Пра гэта ішла гаворка 9 лістапада ў Шклове на нарадзе, прысвечанай сучасным падыходам да рэгіянальнага развіцця, піша БелТА.
Лукашэнка нагадаў, што Беларусь ужо адправіла ў ЗША пробную партыю калійных угнаенняў. Паводле яго, амерыканцы таксама зацікаўленыя ў іх пастаўках. Аднак найперш угнаеннямі неабходна забяспечыць беларускіх аграрыяў.
«Сёння ўгнаенні маюць прыстойную цану. Нават амерыканцы просяць мяне, каб ім паставілі калійныя ўгнаенні. Пробную партыю мы адправілі. Выгружаем. Але найперш мы клапоцімся пра тое, каб забяспечыць сваіх сялян», — заявіў ён.
Лукашэнка падкрэсліў, што для гэтага трэба стварыць належныя базы і склады захоўвання. Угнаенні, па яго словах, нельга пакідаць пад адкрытым небам, тым больш што цяпер яны маюць высокую цану.
Таксама палітык паведаміў, што цяпер прапрацоўваецца пытанне будаўніцтва яшчэ аднаго прадпрыемства па выпуску азотных угнаенняў. Акрамя таго, Беларусь актыўна працуе над развіццём вытворчасці фосфарных угнаенняў.
Лукашэнка хацеў бы, каб іх выпуск павялічыўся. У такім выпадку краіна зможа вырабляць комплексныя ўгнаенні, за якія на міжнародным рынку, паводле яго слоў, добра плацяць.
У верасні гэтага года на сустрэчы з губернатарам Ульянаўскай вобласці Расіі Аляксеем Рускіх Лукашэнка ўжо прапаноўваў пабудаваць азотны камбінат сумесна з «Газпрамам». Тады ён звязваў гэтую ідэю з магчымасцю пастаўляць прадукцыю ў ЗША.
Цяпер чытаюць
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы4848
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы48
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6565
Каментары