Кайлі Міноўг выпусціла свой самы вялікі сольны хіт за больш чым дзесяць гадоў — танцавальны гімн Padam Padam, які ўжо спявае ўся Еўропа. Гэта першая песня зоркі, якая ўварвалася ў топ-10 Вялікабрытаніі пасля хіта All the Lovers, які дасягнуў трэцяга месца ў чарце 2010 года, піша Бі-бі-сі.
Такім чынам, Кайлі стала адной з чатырох жанчын, якія трапілі ў топ-10 Вялікабрытаніі за пяць асобных дзесяцігоддзяў — разам з Шэр, Лулу і Даянай Рос.
Спявачка сказала, што поспех песні, якая стала віруснай у тыктоку, здзівіў у тым ліку і яе. «Мне і маёй камандзе яна вельмі падабаецца, але такога яе поспеху я не магу зразумець», — сказала спявачка ў праграме Breakfast Show на Radio 2 ВВС.
Песня «Падам Падам» таксама стала хітом у Ірландыі, Нідэрландах, Аргенціне, Чылі, Германіі, Сальвадоры, Новай Зеландыі і, вядома, на радзіме Кайлі — у Аўстраліі.
Назва, якая імітуе гук сэрцабіцця, была натхнёная аднайменнай песняй Эдыт Піяф. «Гэта гукаперайманне, — патлумачыла Кайлі. — Д-дум, д-дум, як сэрцабіцце».
Але фанаты пачалі выкарыстоўваць гэтае слова для абазначэння самых розных рэчаў — ад прывітання і развітання да выказвання ўхвалення. «Што думаеш пра яе строі?» — «Падам». — «Якую каву вы любіце?» — «Падам». — «На вуліцы горача?» — «Падам, падам».
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары
як там Певзнер? яшчэ жыва?