Галымжану Бакіраву з Добруша далі паўтара года калоніі за пратэсты
У судзе Добрушскага раёна 20 красавіка асудзілі мясцовага жыхара Галымжана Бакірава паводле ч. 1 арт. 342 («Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх») Крымінальнага кодэкса. Суддзя Святлана Лук’янава прызначыла Галымжану адзін год і шэсць месяцаў пазбаўлення волі ў калоніі ва ўмовах агульнага рэжыму, як піша «Вясна».
Пасяджэнне было выязное і праходзіла ў памяшканні камунальнага ўнітарнага прадпрыемства Добруша.
Мужчыну абвінавацілі ў тым, што ён у адным з тэлеграм-чатаў пакідаў паведамленні з заклікамі ўдзельнічаць у пратэсных акцыях, а таксама дасылаў у чат «розныя навіны і інфармацыю дэструктыўнай скіраванасці».
На судзе ён паведаміў, што сам двойчы ўдзельнічаў у акцыях пратэсту. Мужчына цалкам прызнаў віну і «раскаяўся» ў здзейсненым.
Галымжан Бакіраў мае сярэднюю адукацыю, ён працаваў на Добрушскай папяровай фабрыцы.
Цяпер чытаюць
Ціханоўскі расказаў, што трэба было рабіць у жніўні 2020-га57
Каментары