Новы бунт на расійскім караблі: знялі камандарма, які патрабаваў ратацыі для сваіх байцоў, ён упіраецца
Камандуючы 58-й агульнавайсковай арміяй генерал-маёр Іван Папоў звярнуўся з аўдыязваротам да сваіх падначаленых і пацвердзіў факт уласнай адстаўкі па рашэнні кіраўніка Генштаба Валерыя Герасімава.

Пакрыўджаным тонам ён заявіў, што яго звольнілі «па-здрадніцку і подла». Сваіх байцоў генерал пры гэтым назваў «маімі гладыятарамі», а сябе — «ваш Спартак».
Таксама сёння жонкі мабілізаваных з Якутыі праз якуцкага дэпутата Думы здолелі данесці да грамадскасці свой зварот да Уладзіміра Пуціна. Яны б’юць трывогу, што пад Бахмутам з пачатку чэрвеня загінула трэцяя частка байцоў іх дэсантнай брыгады. Яны вераць, што Пуцін проста не ў курсе гэтага, бо ж ён загадваў «берагчы кожнага байца».
Каментары