Некаторыя электрычкі зменяць месца адпраўлення і прыбыцця ў Мінску
Цягнікі рэгіянальных ліній эканамкласа Аршанскага і Асіповіцкага напрамкаў з 17 ліпеня будуць прыбываць са станцыі Мінск-Пасажырскі і прыбываць на яе, як паведамілі ў прэс-цэнтры Беларускай чыгункі. Раней яны прыбывалі і адпраўляліся з прыпыначнага пункта «Інстытут Культуры».
Як растлумачылі ў Беларускай «чыгунцы», гэтыя змены часовыя і звязаныя яны з капрамонтам аўтамабільнага пуцеправода, які праходзіць над чыгуначнымі шляхамі паміж вуліцамі Маскоўскай і Чкалава. Чакаецца, што рамонтныя работы на гэтым пуцеправодзе працягнуцца каля 16 месяцаў.
Такім чынам, з 17 ліпеня маршруты зменяцца ў наступных цягнікоў:
- №6911 і 6917 Асіповічы — Інстытут культуры,
- №6912 Інстытут культуры — Асіповічы,
- №6009, 6013, 6021 Орша — Інстытут культуры,
- №6024 Інстытут культуры — Орша,
- №6019, 6027 Барысаў — Інстытут культуры,
- №6018 Інстытут культуры — Крупкі,
- №6024, 6028, 6030 Інстытут культуры — Барысаў.
З 18 ліпеня зменіцца канцавая станцыя і пункт адпраўлення ў цягнікоў рэгіянальных ліній эканамкласа:
- №6001 Барысаў — Інстытут культуры,
- № 6008 Інстытут культуры — Орша,
- № 6010 Інстытут культуры — Барысаў.
«Гэтыя цягнікі будуць прыбываць і адпраўляцца са станцыі Мінск-Пасажырскі замест Інстытута культуры з нязначнымі зменамі ў раскладзе», — гаворыцца ў паведамленні БЧ.
Як канкрэтна зменіцца расклад, можна даведацца на афіцыйным сайце Беларускай чыгункі, у мабільнай праграме «БЧ. Мой цягнік» або па тэлефоне 105 у кантакт-цэнтры БЧ.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары