Мінабароны выдала новую заяву адносна парушэння верталётамі дзяржаўнай мяжы. Гэтым разам больш стрыманую, чым учора
Паводле заявы Міністэрства абароны, «сумесна з Міністэрствам замежных спраў Рэспублікі Беларусь былі падрыхтаваны і прадстаўленыя польскаму боку падрабязныя даныя аб'ектыўнага кантролю палётаў паветраных суднаў Рэспублікі Беларусь, а таксама Рэспублікі Польшча 1 жніўня ў прыгранічнай тэрыторыі». Яны нібыта «пацвярджаюць адсутнасць якіх-небудзь падстаў для абвінавачвання ў парушэнні дзяржаўнай мяжы».
Як сцвярджаюць беларускія вайсковыя чыноўнікі:
«Верталёты Рэспублікі Беларусь выконвалі палёты на вышыні 150-200 метраў, а траекторыя палётаў не набліжалася бліжэй, чым 1900 метраў да дзяржаўнай мяжы».
І зразу ж пераводзяць стрэлкі на іншы бок:
«Пры гэтым у той жа дзень польскі верталёт Мі-2 выконваў палёт за 200 метраў ад нашай мяжы, што пацверджана данымі кантролю радыёлакацыйных станцый».
Акрамя таго, Мінабароны сцвярджае, што ў адпаведнасці з міждзяржаўнымі дамоўленасцямі, маўляў, «польскі бок быў у вызначаным парадку праінфармаваны аб планаваных палётах верталётаў. Здзяйсненне якіх-небудзь правакацый у падобнай сітуацыі, калі перасоўванне паветраных судоў адназначна адсочваецца сумежным бокам, відавочна нелагічнае».
Таксама было згадана пра «пастаяннае ўзаемадзеянне з дзяжурным авіяцыйнага руху дзяжурнай баявой групы Цэнтра паветраных аперацый камандавання кампанентам паветраных сіл Рэспублікі Польшча» з нібыта адсутнасцю якіх-небудзь прэтэнзій з яго боку.
Напярэдадні вечарам стала вядома пра парушэнне 1 жніўня польскай паветранай прасторы з боку Беларусі двума верталётамі.
Спачатку афіцыйная Варшава адмаўляла факт парушэння паветранай прасторы, але пазней патлумачыла, што перасячэнне мяжы адбылося ў раёне горада Белавежа на вельмі нізкай вышыні, і гэта ўскладніла выяўленне верталётаў радыёлакацыйнымі сістэмамі.
У адказ на інцыдэнт міністр нацыянальнай абароны Польшчы Марыюш Блашчак аддаў загад аб павелічэнні колькасці вайскоўцаў на мяжы і разгортванні дадатковых сіл і сродкаў, у прыватнасці баявых верталётаў.
Міністэрства абароны Беларусі адразу ж стала адмаўляць факт парушэння беларускімі верталётамі дзяржаўнай мяжы, прытым учора рабіла гэта ў здзеклівай форме.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця29
Каментары
недоразумение из картонных войск уже подчиняется непосредственно ему.
прикажет фекальный чемодан напасть на Сенегал, Исландию и Пуэрто-рико - раб костьми ляжет, но в пакет запакуется.