Міністэрства замежных спраў Польшчы выказала рашучы пратэст у сувязі з парушэннем беларускімі верталётамі паветранай прасторы Польшчы і назвала тое, што адбылося, чарговым элементам эскалацыі на мяжы.
«У сувязі з парушэннем паветранай прасторы Рэспублікі Польшча двума беларускімі верталётамі 1 жніўня 2023 года ў Міністэрства замежных спраў Рэспублікі Польшча была неадкладна выкліканая часовая павераная ў справах Пасольства Беларусі.
МЗС Польшчы выказаў рашучы пратэст і заклікаў беларускі бок неадкладна і падрабязна растлумачыць тое, што адбылося. Польскі бок падкрэсліў, што інцыдэнт разглядаецца як чарговы элемент эскалацыі напружанасці на польска-беларускай мяжы. Польшча чакае, што Беларусь устрымаецца ад такога роду дзейнасці», — гаворыцца ў прэс-рэлізе польскага МЗС.
Раней стала вядома, што сёння два беларускія верталёты парушылі беларуска-польскую мяжу і праляцелі над польскім горадам Белавежа. Польскія вайскоўцы факт перасячэння мяжы верталётамі спачатку аспрэчвалі, але пасля прызналі, што парушэнне паветранай прасторы Польшчы сапраўды мела месца.
Перасячэнне мяжы адбылося ў раёне Белавежы на вельмі малой вышыні, што абцяжарвае яго выяўленне радыёлакацыйнымі сістэмамі. Таму польскія радыёлакацыйныя сістэмы не зафіксавалі парушэння паветранай прасторы Польшчы, патлумачылі ў Мінабароны Польшчы.
Беларускае Мінабароны, са свайго боку, працягвае адмаўляць факт парушэння, прытым у сваёй заяве ведамства прытрымліваецца вельмі развязнага і здзеклівага стылю, раней характэрнага больш для МЗС.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары
Происходящее сейчас мне напоминает сказку про удава, попугая и мартышку. Помните когда они решали: три ореха - куча? А два ореха - это куча или нет? А когда происходящее можно будет назвать не эскалацией, а нападением? Стыдоба. Могли и украинцам помочь ещё в прошлом году и сколько людей бы не погибло.