Пра тое, што палітзняволеную Паліну Шарэнду-Панасюк перавялі ў СІЗА-3 горада Гомеля, паведаміў у фэйсбуку яе муж Андрэй Шарэнда.
«Паліна не выйдзе на волю 6 жніўня па сканчэнні тэрміну. Сёння яе перавялі ў СІЗА-3 горада Гомеля. Чарговы цяжкі этап пачынае чарговы «год сурка».
У СІЗА Паліна будзе да «суда», які выпіша для яе чарговы год катаванняў і здзекаў. Тэрмін зняволення для Паліны канчаткова стаў бясконцым, як дзень сурка ў вядомым фільме», — напісаў Андрэй.
Паліну Шарэнду-Панасюк затрымалі на пачатку студзеня 2021 года і асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі. На волю яна мелася выйсці летам мінулага года.
Але летась яе асудзілі па арт. 411 КК да яшчэ аднаго года калоніі. У красавіку 2023 года супраць жанчыны завялі ўжо новую справу — за «злоснае непадпарадкаванне адміністрацыі калоніі».
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары