68-гадовую жанчыну асудзілі да шасці гадоў калоніі за палітычныя каментары
«Вы за мяне, калі ласка, не перажывайце, ва ўсякім разе я нікога не забіла, нічога не ўкрала, нікога не падманула і любому чалавеку магу спакойна і адкрыта глядзець проста ў вочы. Я ў парадку», — напісала Наталля Пятровіч.
Стала вядома, што 11 жніўня 2023 года да шасці гадоў пазбаўлення волі ў калоніі агульнага рэжыму асудзілі палітзняволеную 68-гадовую пенсіянерку Наталлю Пятровіч, піша «Вясна».
Жанчыну прызналі вінаватай паводле
- ч. 1 арт. 368 (абраза Лукашэнкі);
- арт. 369 (абраза прадстаўніка ўлады);
- ч. 1 арт. 130 (распальванне варожасці ці варажнечы);
- ч. 3 арт. 361 (заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь);
- ч. 3 арт. 361-1 (стварэнне экстрэмісцкага фармавання або ўдзел у ім) Крымінальнага кодэкса.
Наталля Пятровіч была затрыманая 19 снежня 2022 года ў сваёй кватэры за каментары. Першапачаткова ёй таксама ставілі ў віну арт. 342 Крымінальнага кодэкса, але ён быў зняты падчас следства.
Таксама Наталля Іванаўна мусіць выплаціць кампенсацыю маральнай шкоды ў памеры больш за тры тысячы рублёў паводле арт. 369 Крымінальнага кодэкса.
Прысуд вынесла Вера Галаўко ў Мінскім гарадскім судзе.
Нядаўна Наталля Пятровіч даслала ліст на волю:
«Вы за мяне, калі ласка, не перажывайце, ва ўсякім разе я нікога не забіла, нічога не ўкрала, нікога не падманула і любому чалавеку магу спакойна і адкрыта глядзець прама ў вочы. Я ў парадку».
Падтрымайце жанчыну грашовымі пераводамі, пасылкамі і тэлеграмамі:
СІЗА-1, 220030, г. Мінск, вул. Валадарскага, 2, Наталля Іванаўна Пятровіч.
-
Што з выездам з Беларусі ў ЕС гэтым летам?
-
Віцэ-губернатар Гомельшчыны пра інцыдэнт пад Бранскам: Перавозчыкі выбралі небяспечны маршрут практычна ў прыфрантавой зоне
-
Дзяржканалы поўняцца абвінавачваннямі на адрас Украіны. Ніводзін дзяржканал не апублікаваў каментары ўкраінцаў. Рэакцыі Лукашэнкі дагэтуль няма
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары