130 леснікоў тушылі гэтай ноччу маштабны пажар. Гарэлі чатыры з паловай гектары лесу адразу ў дзвюх абласцях
Да месца пажару ў Бялыніцкім лясгасе дзяржлесахова Бярэзінскага і Крупскага раёнаў дабралася куды хутчэй за магілёўцаў. Дзякуючы аператыўнасці іх дзеянняў удалося, наколькі гэта магчыма, мінімізаваць плошчу ўзгарання.
Больш за 130 леснікоў тушылі гэтай ноччу лясны пажар у Бялыніцкім лясгасе. На дапамогу магілёўскім калегам прыйшлі два лясгасы Мінскай вобласці: Бярэзінскі і Крупскі. Яны мяжуюць з Магілёўскай вобласцю, паведамляе Міністэрства лясной гаспадаркі ў сваім тэлеграм-канале.
Так, Бярэзінскі лясгас накіраваў на тушэнне пажару ў суседзяў 40 чалавек дзяржлесаховы, чатыры пажарныя аўтамабілі, тры трактары з бочкамі, шэсць легкавых аўтамабіляў і нават усюдыход ГТ-МУ.
Крупскі лясгас аказаў аператыўную дапамогу Бялыніцкаму і накіраваў на тушэнне пажару 40 чалавек, тры пажарныя аўтамабілі і два трактары з плугамі.
Папярэдняя плошча ўзгарання ў Эсьманскім лясніцтве склала 3 га. Яшчэ 1,5 га лесу згарэла ў Стараслабодскім лясніцтве Крупскага лясгаса — пажар ахапіў адразу дзве вобласці.
Дзяржлесахова Крупскага лясгаса пасля паведамлення аб узгаранні на тэрыторыі ляснога фонду аператыўна выехала на месца здарэння, ліквідавала агонь на сваёй тэрыторыі і адправілася на дапамогу суседзям. Разам з імі на дапамогу суседзям адправіліся лесапажарныя каманды Бярэзінскага лясгаса, якія да гэтага дапамагалі таксама крупчанам.
Што характэрна: да месца пажару ў Бялыніцкім лясгасе дзяржлесахова Бярэзінскага і Крупскага дабралася куды хутчэй за магілёўцаў. Дзякуючы аператыўнасці іх дзеянняў удалося, наколькі гэта магчыма, мінімізаваць плошчу ўзгарання.
Пры гэтым Бялыніцкім лясгасам на тушэнне ляснога пажару было накіравана 50 службовых асоб дзяржлесаховы, два пажарныя аўтамабілі, адзін трактар з бочкай, дзевяць легкавых аўтамабіляў і таксама ўсюдыход ГТ-МУ.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары