Збівалі металічнай бітай, прымусілі абліць твар і галаву зялёнкай. У Бабруйску вынеслі прысуд траім супрацоўнікам наркамаркету
У ходзе судовага следства было ўстаноўлена, што трое жыхароў Гомеля — 26-гадовы раней судзімы беспрацоўны і двое навучэнцаў каледжаў, адзін з якіх непаўналетні, з карыслівых меркаванняў працавалі на наркамаркет. Яны выконвалі заданні куратараў па пакаранні нядобрасумленных кур'ераў і «закладчыкаў», якія падманулі «краму», паведамілі ў Генпракуратуры.
На загад куратара маладыя людзі ў сакавіку 2022 года прыехалі ў Бабруйск, дзе збілі аднаго з «закладчыкаў»: яны распылілі ў пацярпелага змесціва балончыка са слезацечным газам, а таксама нанеслі яму мноства ўдараў рукамі і нагамі ў вобласць галавы, па канечнасцях і тулаве, у тым ліку з выкарыстаннем металічнай біты.
Затым яны прымусілі пацярпелага абліць свой твар і галаву зялёнкай, суправаджалі свае дзеянні пагрозамі, прыніжэннямі і абразамі. Тое, што адбываецца, здымалі на відэа для справаздачы куратару.
З улікам абставін 26-гадоваму абвінавачанаму прызначана канчатковае пакаранне ў выглядзе 15 гадоў 6 месяцаў турмы ва ўмовах строгага рэжыму са штрафам 4440 рублёў. Дваім іншым абвінавачаным прызначана пакаранне ў выглядзе пазбаўлення волі на тэрмін 12 гадоў 6 месяцаў і 11 гадоў 6 месяцаў адпаведна.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары