Źbivali mietaličnaj bitaj, prymusili ablić tvar i hałavu zialonkaj. U Babrujsku vynieśli prysud traim supracoŭnikam narkamarkietu
U chodzie sudovaha śledstva było ŭstanoŭlena, što troje žycharoŭ Homiela — 26-hadovy raniej sudzimy biespracoŭny i dvoje navučencaŭ kaledžaŭ, adzin ź jakich niepaŭnaletni, z karyślivych mierkavańniaŭ pracavali na narkamarkiet. Jany vykonvali zadańni kurataraŭ pa pakarańni niadobrasumlennych kurjeraŭ i «zakładčykaŭ», jakija padmanuli «kramu», paviedamili ŭ Hienprakuratury.
Na zahad kuratara maładyja ludzi ŭ sakaviku 2022 hoda pryjechali ŭ Babrujsk, dzie źbili adnaho z «zakładčykaŭ»: jany raspylili ŭ paciarpiełaha źmieściva bałončyka sa ślezaciečnym hazam, a taksama nanieśli jamu mnostva ŭdaraŭ rukami i nahami ŭ vobłaść hałavy, pa kaniečnaściach i tułavie, u tym liku z vykarystańniem mietaličnaj bity.
Zatym jany prymusili paciarpiełaha ablić svoj tvar i hałavu zialonkaj, supravadžali svaje dziejańni pahrozami, prynižeńniami i abrazami. Toje, što adbyvajecca, zdymali na videa dla spravazdačy kurataru.
Z ulikam abstavin 26-hadovamu abvinavačanamu pryznačana kančatkovaje pakarańnie ŭ vyhladzie 15 hadoŭ 6 miesiacaŭ turmy va ŭmovach strohaha režymu sa štrafam 4440 rubloŭ. Dvaim inšym abvinavačanym pryznačana pakarańnie ŭ vyhladzie pazbaŭleńnia voli na termin 12 hadoŭ 6 miesiacaŭ i 11 hadoŭ 6 miesiacaŭ adpaviedna.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary