«Нам практычна кожны тыдзень прыходзяць пацвярджэнні». Ва Украіне акрэслілі ролю Лукашэнкі ў дэпартацыі ўкраінскіх дзяцей
Упаўнаважаны Вярхоўнай Рады Украіны па правах чалавека Дзмітрый Лубінец падзяліўся актуальнай інфармацыяй аб датычнасці рэжыму Лукашэнкі да дэпартацыі ўкраінскіх дзяцей. Ягоныя словы 14 верасня перадало агенцтва «Укрінфарм».
Па словах чыноўніка, прамыя доказы асабістага ўдзелу Лукашэнкі і яго людзей у незаконнай перавозцы ўкраінскіх дзяцей паступаюць амаль кожны тыдзень.
«Яшчэ раней я, здаецца, стаў першым упаўнаважаным прадстаўніком Украіны, які публічна заявіў аб наяўнасці інфармацыі адносна асабістага ўдзелу так званага, непрызнанага прэзідэнта Лукашэнкі ў дэпартацыі ўкраінскіх дзяцей.
Нам практычна кожны тыдзень прыходзяць пацвярджэнні таго, што ўлады Беларусі прымаюць у гэтым працэсе ўдзел. Гэта адбываецца проста цяпер», — расказаў Дзмітрый Лубінец.
Як ён адзначае, дзеянні рэжыму Лукашэнкі павінны быць прааналізаваныя і ў выніку асуджаныя.
Украінскі чыноўнік упэўнены, што прыклад з ужо выдадзенымі міжнароднымі ордэрамі на арышт прэзідэнта Расіі Уладзіміра Пуціна і расійскай упаўнаважанай па правах дзіцяці Марыі Львовай-Бяловай з'яўляецца моцным юрыдычным аргументам на карысць вяртання ўкраінскіх дзяцей дадому.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары