Еўрапарламент заклікаў Міжнародны крымінальны суд выдаць ордар на арышт Лукашэнкі
Еўрапарламент заклікаў Міжнародны крымінальны суд разгледзець магчымасць выдачы ордара на арышт Лукашэнкі, сказана ў тэксце рэзалюцыі, падпісанай у Страсбургу.
У тэксце рэзалюцыі асудзілі «ўдзел рэжыму Лукашэнкі» ў вайне Расіі супраць Украіны, распальванні нянавісці, дэзынфармацыі і прапагандзе, «якая перагукаецца з ваяўнічай рыторыкай Масквы».
У тэксце згадваецца фальсіфікацыя выбараў у Беларусі 2020 года, наяўнасць у краіне больш за 1 500 палітычных зняволеных, смерці асуджаных у турмах ды калоніях.
Таксама еўрадэпутаты асудзілі і ўдзел рэжыму Лукашэнкі ў вывазе ўкраінскіх дзяцей і вайсковай падтрымцы Расіі, заявіўшы, што гэта «ўяўляе непасрэдную пагрозу бяспецы ЕС і ягоных грамадзян».
У частцы дакумента аб рэпрэсіях у Беларусі сказана, што Еўрапарламент патрабуе, каб рэжым Лукашэнкі спыніў гвалт і вызваліў палітычных зняволеных, членаў іх сем'яў і «ўсіх адвольна затрыманых асоб».
У сакавіку Міжнародны крымінальны суд ужо выдаў міжнародныя ордары на арышт прэзідэнта Расіі Уладзіміра Пуціна і расійскай упаўнаважанай па правах дзіцяці Марыі Львовай-Бяловай.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары