«На іншым беразе» ў Мінску папулярнейшы за «Барбі» і «Опенгеймера» — Кінавідэапракат
Кінавідэапракат Мінгарвыканкама назваў топ-5 фільмаў — лідараў пракату на тыдні з 18 па 24 верасня. Лідар прагназаваны.
Паводле версіі афіцыйных кіношнікаў, спіс найбольш папулярных узначальвае прапагандысцкі фільм «На іншым беразе», які нібыта абышоў па папулярнасці галівудскія шэдэўры «Барбі» і «Опенгеймер», якія б'юць рэкорды ў сусветным пракаце.
На чацвёртай і пятай пазіцыях размясціліся таксама замежныя карціны «Пасля. Назаўжды» і «Нястрымныя 4».
Прычына сенсацыйнай папулярнасці фільма, зробленага мясцовымі прапагандыстамі ў калабарацыі з расійскімі, тлумачыцца вельмі проста: аншлагі на паказах «На іншым беразе» забяспечваюцца пры дапамозе адміністрацыйнага рэсурсу.
Гэтаму ёсць шмат сведчанняў. На «Барбі» ж, «Опенгеймера» і іншыя фільмы людзі ходзяць добраахвотна.
Зрэшты, Кінавідэапракат Мінгарвыканкама проста расставіў фільмы па месцах, а лічбавыя даныя, якой менавіта папулярнасцю карысталася кожная з карцін, не прыводзіць.
Пры гэтым папярэдняя практыка сведчыць, што прапагандысцкія карціны, для прасоўвання якіх адміністрацыйны рэжым не застасоўваўся, у пракаце апошнім часам мелі поўны правал. Адносна гэтага нават нядаўна біла ў званы вядомая актывістка-даносчыца з Гродна Вольга Бондарава.
Шмат клічнікаў і капслокаў. Так выглядаюць заклікі педагогаў да наведвання прапагандысцкага фільма
Паглядзелі фільм «На іншым беразе». Расказваем сюжэт і тое, што пабачылі ў кінатэатры
Галоўнае — каб у фільма быў хэпі-энд. БРСМ звадзіў «Міс Беларусь» на прэм'еру прапагандысцкай карціны
На паказах прапагандысцкага фільма «На іншым беразе» арганізоўваюць аншлагі, адміністрацыйны рэсурс ужо запушчаны
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары