Ізраіль гэтай ноччу наносіў масіраваныя ўдары па сектары Газа. Знішчаюць дамы баевікоў, атакавана каля 500 цэляў
Паведамляецца, што ліквідаваны адзін з камандзіраў баевікоў Рыфат Абу-Хілаль, ён жа «Абу аль-Абад».
Фота: Fatima Shbair / AP
Авіяцыя Ізраіля ў ноч на 9 кастрычніка працягнула наносіць удары па сектары Газа, каб «знішчыць магчымасці тэрарыстычнай групы ХАМАС», вайскоўцы бамбяць не толькі дамы камандзіраў, а дамы ўсіх баевікоў, піша Times of Israel.
Атакавана каля 500 цэляў. Cярод цэляў, пацярпелых у ноч на 9 кастрычніка, былі:
- некалькі камандных пунктаў;
- будынак, дзе пражываюць баевікі ХАМАС;
- камандны цэнтр, які выкарыстоўваецца высокапастаўленым ваенна-марскім чыноўнікам ХАМАС;
- «уласнасць, якую выкарыстоўвае ХАМАС», знаходзіцца ў мячэці ў Джабаліі.
Паведамляецца, што ліквідаваны адзін з камандзіраў баевікоў Рыфат Абу-Хілаль, ён жа «Абу аль-Абад».
Жыхары Газы кажуць, што ізраільская армія больш не дзейнічае па папераджальным пратаколе «Акеш ба гаг» («Стук па даху»), а адразу знішчае дамы адзін за адным.
Цяпер чытаюць
Лукашэнка: Што творыцца ў краіне, у нас усе гэтую гусь круцяць25
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары