У гэтым доме каля Стэлы сялілася эліта. Зараз там прадаецца «панская кватэра» з люстрамі Swarovski, дзвюма лоджыямі і асобным кабінетам
Жыллё ў гэтым доме 1998 года на Гвардзейскай побач з праспектам Пераможцаў у свой час набывалі вядомыя артысты, чыноўнікі і бізнэсоўцы. Пра статус яго жыхароў можна меркаваць і па кватэры, якую нядаўна тут выставілі на продаж, піша Realt.by.
Гэты дзевяціпавярховы цагляны дом знаходзіцца ў ціхім цэнтры — на вуліцы Гвардзейскай, 10.
Дом быў пабудаваны ў 1998 годзе і сюды засяліліся ў тым ліку вядомыя на той момант чыноўнікі, артысты і бізнэсоўцы. Для таго часу дом сапраўды быў элітным: закрытая тэрыторыя, прыгожыя пад'езды, відэаназіранне, дзве кватэры на паверсе.
А цяпер там на продаж выставілі чатырохпакаёвую кватэру на пятым паверсе плошчай амаль 155 квадратаў. Унутры — дарагая і нестарэючая класіка.
— Дызайнерскі рамонт выкананы ў класічным стылі на замову патрабавальнага гаспадара, рабіўся для сябе, — паведамляецца ў аб'яве.
У кватэры італьянская мэбля і люстры з крышталямі Swarovski, карціны, паркет, сучасная бытавая тэхніка і элітная сантэхніка.
Гасцёўня ў кватэры сумешчана з кухняй і выглядае вось так:
Акрамя таго, у кватэры ёсць дзве асобныя спальні.
А яшчэ тут ёсць асобны кабінет. Выглядае прэзентабельна.
Што тычыцца санвузлоў, то іх тут два. Адзін — наогул велізарны па кватэрных мерках.
Акрамя таго, у кватэры дзве лоджыі. Вокны выходзяць на розныя бакі.
Каштуе кватэра 480 тысяч даляраў, гэта 3103 даляры за квадратны метр.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары
у ліхія 90-я... ліхія...