Пад Кіевам у сваім доме ад выбуху загінуў памочнік Залужнага — імаверна, гэта была дыверсія
Першапачаткова былі паведамленні, што памочнік галоўнакамандуючага Валерыя Залужнага Генадзь Часцякоў загінуў у выніку неасцярожнага абыходжання з боепрыпасам, але потым Залужны пацвердзіў, што гэта была дыверсія.
Загінулы — 39-гадовы Генадзь Часцякоў — працаваў памочнікам галоўнакамандуючага Валерыя Залужнага. Па інфармацыі «Эспрессо», мужчына быў забіты ў выніку дыверсіі. Як паведамляе выданне, Часцякоў прыйшоў дадому з падарункамі ў дзень свайго нараджэння. Пры адкрыцці аднаго з падарункаў адбыўся выбух.
Жонка загінулага Часцякова распавяла «УП», што граната, якая выбухнула ў руках яе мужа, была ў падарункавым пакеце, які той прынёс дадому. Па даных «УП», у пакеце былі бутэлькі спіртнога і падарункавыя чаркі ў выглядзе гранат. Падчас адкрыцця пакета адбыўся выбух.
Маёр загінуў. Паранены яго 13-гадовы сын.
Валерый Залужны пацвердзіў смерць свайго памочніка.
«Невымоўны боль і цяжкая страта для Узброеных сіл Украіны і для мяне асабіста. Сёння пры трагічных абставінах у свой дзень нараджэння ў коле сямʼі загінуў мой памочнік і блізкі сябар, маёр Генадзь Часцякоў.
У адным з падарункаў спрацавала невядомае выбуховае прыстасаванне. У Генадзя засталіся жонка і чацвёра дзяцей. Мае глыбокія спачуванні сямʼі…» — напісаў Залужны.
Цяпер чытаюць
У мінскім метро праходзяць выпрабаванні новыя цягнікі ФОТЫ2
Каментары