Pad Kijevam u svaim domie ad vybuchu zahinuŭ pamočnik Załužnaha — imavierna, heta była dyviersija
Pieršapačatkova byli paviedamleńni, što pamočnik hałoŭnakamandujučaha Valeryja Załužnaha Hienadź Čaściakoŭ zahinuŭ u vyniku nieaściarožnaha abychodžańnia z bojeprypasam, ale potym Załužny paćvierdziŭ, što heta była dyviersija.
Zahinuły — 39-hadovy Hienadź Čaściakoŭ — pracavaŭ pamočnikam hałoŭnakamandujučaha Valeryja Załužnaha. Pa infarmacyi «Espriesso», mužčyna byŭ zabity ŭ vyniku dyviersii. Jak paviedamlaje vydańnie, Čaściakoŭ pryjšoŭ dadomu z padarunkami ŭ dzień svajho naradžeńnia. Pry adkryćci adnaho z padarunkaŭ adbyŭsia vybuch.
Žonka zahinułaha Čaściakova raspaviała «UP», što hranata, jakaja vybuchnuła ŭ rukach jaje muža, była ŭ padarunkavym pakiecie, jaki toj prynios dadomu. Pa danych «UP», u pakiecie byli butelki śpirtnoha i padarunkavyja čarki ŭ vyhladzie hranat. Padčas adkryćcia pakieta adbyŭsia vybuch.
Major zahinuŭ. Paranieny jaho 13-hadovy syn.
Valeryj Załužny paćvierdziŭ śmierć svajho pamočnika.
«Nievymoŭny bol i ciažkaja strata dla Uzbrojenych sił Ukrainy i dla mianie asabista. Siońnia pry trahičnych abstavinach u svoj dzień naradžeńnia ŭ kole siamji zahinuŭ moj pamočnik i blizki siabar, major Hienadź Čaściakoŭ.
U adnym z padarunkaŭ spracavała nieviadomaje vybuchovaje prystasavańnie. U Hienadzia zastalisia žonka i čaćviora dziaciej. Maje hłybokija spačuvańni siamji…» — napisaŭ Załužny.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary