Грамадства

«Неабходная больш глыбокая дыскусія» — прэм'ер Літвы пра ўніфікацыю абмежаванняў для беларусаў і расіян

Інгрыда Шыманіце спадзяецца, што будуць прапанаваныя лепшыя рашэнні, якія адказваюць усім мэтам дзяржаўнай бяспекі.

Інгрыда Шыманіце. Фота: Kirill Chubotin / Ukrinform / Future Publishing via Getty Images

Прэм'ер-міністр Літвы Інгрыда Шыманіце мяркуе, што неабходна больш глыбокае абмеркаванне пытання ўніфікацыі санкцый супраць расіянаў і беларусаў.

Паводле яе слоў, варта ацэньваць больш шырокі кантэкст — як палітычную пазіцыю краіны, так і магчымае зніжэнне патоку працоўных імігрантаў з Беларусі. Шыманіце спадзяецца, што будуць прапанаваныя лепшыя рашэнні, якія адпавядаюць усім мэтам дзяржаўнай бяспекі, піша Delfi.lt.

«Я думаю, што патрабуецца больш глыбокае абмеркаванне таго, якую праблему мы спрабуем вырашыць. Бо гэта не толькі пытанне загружанасці ўстаноў, (…) ёсць таксама пытанні больш шырокага кантэксту», — на пытанне аб уніфікацыі абмежавальных мер для грамадзян Расіі і Беларусі, якое вярнулася ў Сейм. Паводле яе слоў, пры абмеркаванні ўніфікацыі санкцый супраць расіян і беларусаў варта ўлічваць як палітычныя, так і эканамічныя аргументы.

Перш за ўсё, гэта пытанне нашай, як дзяржавы, пэўнай палітычнай пазіцыі ў адносінах да беларускага грамадства. Улічваючы, што дагэтуль мы спрабавалі аддзяліць народ Беларусі ад беларускага рэжыму — менавіта таму ў законе прадугледжаныя такія палажэнні», — сказала І.Шыманіце.

«Яшчэ варта мець на ўвазе, што вельмі вялікая частка людзей, якія атрымалі часовы дазвол на жыхарства ў Літве, не з'яўляюцца палітычнымі ўцекачамі, (…) а людзьмі, якія працуюць у такіх сектарах, як будаўніцтва і транспарт. Гэта працоўная сіла, людзі, якія з'яўляюцца працоўнымі імігрантамі. Відавочна, што калі на рынку працы не застанецца імігрантаў, то нам, імаверна, трэба будзе вельмі доўгая і цяжкая дыскусія з нашымі бізнэс-асацыяцыямі, ідэя якіх заключаецца ў тым, што міграцыю трэба палегчыць, бо працоўнай сілы не хапае», — падкрэсліла прэм'ер.

Таму, паводле яе слоў, пасля абмеркавання гэтага пытання павінны быць прадстаўлены рашэнні, якія дазволяць рэалізаваць усе пастаўленыя задачы.

«Відавочна, што існуе некалькі кантэкстаў, я думаю, што ў нас абавязкова будзе магчымасць абмеркаваць і пасля абмеркавання прапанаваць лепшыя рашэнні, якія спатрэбяцца для дасягнення не адной мэты, а максімальна некалькіх мэтаў адначасова», — рэзюмавала і.Шыманіце.

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць