FT назвала чалавекам года кіраўніка кампаніі, якая распрацавала прэпараты для зніжэння вагі
Прэпарат Ozempic, распрацаваны кампаніяй, якую ўзначальвае Ларс Ёргенсэн, прымяняецца пры дыябеце 2-га тыпу.
Адзін з яго спадарожных эфектаў — зніжэнне вагі. Пры гэтым многія людзі без дыябету выкарыстоўваюць яго не па «дыябетычным» прызначэнні, а менавіта для таго, каб скінуць лішнюю вагу, піша Meduza.io.
Wegovy — аналаг Ozempic, зарэгістраваны менавіта для зніжэння вагі. У 2023 годзе Novo Nordisk дзякуючы продажам Ozempic і Wegovy стала самай дарагой кампаніяй у Еўропе.
Financial Times называе Ларса Ёргенсэна «піянерам прыватных інавацый, якія могуць аказаць грунтоўны ўплыў не толькі на ахову здароўя, але і на грамадства, дзяржаўнае фінансаванне і на нашы адносіны з ежай».
«Ёргенсэну ўсё яшчэ неабходна пераканаць многія ўрады і сціснутыя ў сродках сістэмы аховы здароўя ў неабходнасці заплаціць за прэпарат цяпер, каб зэканоміць грошы ў будучыні. Збольшага для гэтага патрабуецца разуменне, што атлусценне — менавіта захворванне, якое можна лячыць з дапамогай лекаў, а не асабісты недахоп», — адзначае FT.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве2
Каментары