Расія планавала прыняць комплекс на ўзбраенне толькі ў 2025 годзе, аднак вялікія страты ў тэхніцы вымусілі зрабіць гэта раней.
Адзін з найноўшых расійскіх комплексаў РЭБ «Быліна» РБ-109А выявілі байцы ўкраінскага падраздзялення «Shadow» з дапамогай дрона. Пасля трапляння тэхніка пачала незаўважна гарэць, але пасля агонь ахапіў увесь комплекс, знішчыўшы яго дашчэнту.
Знішчаны таксама, відаць, быў і экіпаж «Быліны», які хаваўся побач у бліндажы, хоць на відэазапісе гэтага не бачна.
РБ109А «Быліна» — гэта расійская аўтаматызаваная сістэма кіравання сродкамі радыёэлектронная барацьбы (РЭБ). Сістэма выкарыстоўвае (ці будзе выкарыстоўваць пасля заканчэння распрацоўкі) «магчымасці штучнага інтэлекту на аснове машыннага навучання» для расстаноўкі прыярытэтаў і падаўлення электронных сігналаў.
Сістэма праводзіць аналіз радыёэлектроннага асяроддзя ў радыусе да 100 кіламетраў і стварае перашкоды найбольш прыярытэтным цэлям. Дакладнай інфармацыі аб магчымасцях і характарыстыках комплексу няма, паколькі Расія планавала ўзяць комплекс на ўзбраенне не раней за 2025 год.
Каментары
(не)