Пасажырка аўтобуса дабілася ад «Мінсктранса» вялікай кампенсацыі
Жыхарка Мінска атрымала падчас паездкі ў аўтобусе траўму нагі. Праз здарэнне яна больш за чатыры месяцы прабыла на бальнічным, і за гэта адсудзіла 3,5 тыс. рублёў кампенсацыі, паведамляе Мінскі гарадскі суд.
Жанчына ўпала і стукнулася левай нагой аб касяк скрынкі ў салоне аўтобуса ў траўні мінулага года. Прычына здарэння — рэзкае тармажэнне, бо кіроўца праігнараваў правілы дарожнага руху.
Жанчыне зрабілі аперацыю, а пасля таго яна праз суд папрасіла спагнаць з «Мінсктранса» 30 тыс. рублёў кампенсацыі маральнай шкоды.
У судзе прадстаўнік адказчыка і кіроўца пазоў не прызналі, аднак суд стаў на бок пасажыркі аўтобуса. Праўда, яе пазоў ён зменшыў у 10 разоў, вырашыўшы спагнаць з прадпрыемства на яе карысць 3,5 тыс. рублёў.
Рашэнне суда ўступіла ў законную сілу.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку10
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары