Pasažyrka aŭtobusa dabiłasia ad «Minsktransa» vialikaj kampiensacyi
Žycharka Minska atrymała padčas pajezdki ŭ aŭtobusie traŭmu nahi. Praz zdareńnie jana bolš za čatyry miesiacy prabyła na balničnym, i za heta adsudziła 3,5 tys. rubloŭ kampiensacyi, paviedamlaje Minski haradski sud.
Žančyna ŭpała i stuknułasia levaj nahoj ab kasiak skrynki ŭ sałonie aŭtobusa ŭ traŭni minułaha hoda. Pryčyna zdareńnia — rezkaje tarmažeńnie, bo kiroŭca praihnaravaŭ praviły darožnaha ruchu.
Žančynie zrabili apieracyju, a paśla taho jana praz sud paprasiła spahnać z «Minsktransa» 30 tys. rubloŭ kampiensacyi maralnaj škody.
U sudzie pradstaŭnik adkazčyka i kiroŭca pazoŭ nie pryznali, adnak sud staŭ na bok pasažyrki aŭtobusa. Praŭda, jaje pazoŭ jon źmienšyŭ u 10 razoŭ, vyrašyŭšy spahnać z pradpryjemstva na jaje karyść 3,5 tys. rubloŭ.
Rašeńnie suda ŭstupiła ŭ zakonnuju siłu.
Ciapier čytajuć
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu4
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary