«Людзі павінны адчуваць сябе ў бяспецы ў любы час сутак». Лукашэнка ўпэўнены, што такое адчуванне з'яўляецца пры назіранні ўзброеных сілавікоў
Лукашэнка на пашыранай нарадзе з кіраўніцтвам дзяржаўных органаў сістэмы забеспячэння нацыянальнай бяспекі запатрабаваў, каб міліцэйскія патрулі хадзілі па вуліцах са зброяй.
«Наступная задача ўсім праваахоўным органам, у першую чаргу МУС і МНС. Людзі павінны адчуваць сябе ў бяспецы дома, на працы, на вуліцы ў любы час сутак. Папярэджваю Міністэрства ўнутраных спраў, КДБ, спецслужбы, каго заўгодна, пракуратуру трэба ўзяць на кантроль. Папярэджваць. На вуліцах павінны быць нашы хлопцы, патрулі», — сказаў Лукашэнка.
Але калі раней гэтыя патрулі нібыта хадзілі «з голымі рукамі», то цяпер іх трэба ўзброіць.
«А цяпер патрулі павінны быць узброеныя стралковай зброяй, як мінімум пісталетамі. І гэта павінны ведаць усе. І яны павінны хадзіць спакойна па вуліцах. Гарантыя — ніякіх злачынстваў у гэтым раёне не будзе», — упэўнены Лукашэнка.
Гэтае пытанне Лукашэнка даручыў узяць на кантроль МУС, КДБ, спецслужбам і пракуратуры.
Пры гэтым, на яго думку, узровень злачыннасці па краіне зніжаецца: маўляў, зменшылася колькасць цяжкіх і асабліва цяжкіх супрацьпраўных дзеянняў. У той жа час «адзначаецца негатыўная тэндэнцыя: расце колькасць махлярстваў, вымагальніцтваў і кіберзлачынстваў».
Ну і, вядома, ніхто не збіраецца спыняць каток палітычных рэпрэсій:
«Як мне дакладваюць, прынятыя дадатковыя меры па аператыўным раскрыцці злачынстваў экстрэмісцкай скіраванасці. Сёння гэта найважнейшы аспект падтрымання правапарадку: спыненне дзеянняў адмарозкаў і прафілактыка аблудных, якія яшчэ не да канца разумеюць, на што іх нацэльваюць замежныя куратары».
Чытайце таксама:
Лукашэнка пракаментаваў зліў пра вакцыну для «Першага»
Лукашэнка заявіў, што Варшава вярбуе чыноўнікаў на замену Латушку
Лукашэнка: Мы павінны быць гатовыя да вайны і ментальна, і стратэгічна
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары
А у лукашенко - всё наоборот, всё навыворот !
Он чуствует страх видя нормальных людей и обретает покой, отгораживаясь, от нормальных людей и беларусов, людьми? в военной форме....