Паводле афіцыйнай інфармацыі Мінабароны РФ, беспілотнікі атакавалі найменей 8 расійскіх абласцей.
Расійскае Міністэрства абароны паведаміла, што сродкі СПА знішчылі 35 беспілотнікаў над тэрыторыямі Маскоўскай, Белгародскай, Калужскай, Арлоўскай, Растоўскай, Яраслаўскай, Краснадарскай і Курскай абласцей.
У Дамадзедава СПА адбілі атаку двух беспілотнікаў, якія ляцелі на Маскву, паведаміў мэр Масквы Сяргей Сабянін.
Паводле версіі Мінабароны, самая вялікая колькасць беспілотнікаў — 17 штук — была знішчаная ў Краснадарскім краі, дзе быў атакаваны нафтаперапрацоўчы завод у Славянску-на-Кубані.
На заводзе ўспыхнуў пажар. Аператыўны штаб рэгіёна паведаміў аб адным загінулым у часе атакі на НПЗ. Папярэдняя прычына смерці — сардэчны прыступ.
Каментары