МАК зацвердзіў сцяг, пад якім на Алімпіядзе будуць выступаць беларусы і расіяне. Без чырвонага, але з зялёным
Міжнародны алімпійскі камітэт апублікаваў фота нейтральнага сцяга, пад якім прапануецца выступаць беларускім і расійскім спартсменам на Алімпіядзе, а таксама аб'явіў пра яшчэ некалькі важных рашэнняў.
Пры гэтым МАК заявіў, што не будзе патрабаваць ад расійскіх і беларускіх спартсменаў для ўдзелу ў спаборніцтвах асуджэння развязанай Расіяй пры садзейнічанні рэжыму Лукашэнкі вайны ва Украіне.
У той жа час МАК паведаміў, што разгледзіць пытанне санкцый за ўдзел у Гульнях дружбы, якія Расія хоча арганізаваць як альтэрнатыву Алімпіядзе.
Расійскіх і беларускіх спартсменаў, якія адбяруцца на Алімпіяду-2024 ў Парыжы, не дапусцяць да ўдзелу ў цырымоніі адкрыцця Гульняў. Адносна цырымоніі закрыцця рашэнне будзе прынята пазней.
Іхнія медалі, у выпадку перамог, не будуць адлюстроўвацца ў агульным заліку. Узнагароджанне, калі нехта заваюе залаты медаль, будзе праходзіць пад музыку без слоў.
На сённяшні дзень, па афіцыйнай інфармацыі МАК, на гульні адабраліся 12 спартсменаў з Расіі і 7 — з Беларусі. Максімальная колькасць можа быць адпаведна 55 і 28 — гэта тыя спартсмены, якія яшчэ не страцілі прынамсі тэарэтычных шанцаў здабыць ліцэнзіі.
Скакуха Мірончык-Іванова: Алімпійскія гульні без нас, без наймацнейшых — гэта не Алімпіяда
На апошняй летняй Алімпіядзе выступалі 108 атлетаў з Беларусі, на гульні ў Парыжы пакуль ёсць толькі 6 дакладных ліцэнзій
Беларусам дазволілі ўдзельнічаць у Паралімпіядзе ў нейтральным статусе
Пад бел-чырвона-белым сцягам. 30 гадоў таму прайшлі першыя Алімпійскія гульні з удзелам каманды незалежнай Беларусі
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 20263
Каментары