Асудзілі маці траіх дзяцей з Віцебска, якая забіла сякерай котку і яе кацянят, а відэа выклала ў сацсеткі
Педагогі прыйшлі ў жах ад убачанага і захацелі забраць дзяцей з сям'і.
Жыхарка Віцебска спачатку прытуліла бяздомную котку з кацянятамі, а потым забіла жывёл сякерай, бо ёй не спадабаліся іх паводзіны. Відэа здзейсненага «пакарання» яна выклала ў сацсетцы, расказаў афіцыйны прадстаўнік Следчага камітэта Аляксандр Сухадольскі.
Усё адбылося летам мінулага года. У міліцыю паступіла паведамленне, што ў сацсетках з'явілася фатаграфія з выявай галавы забітай кошкі і відэазапісу «пакарання», піша Smartpress.by.
Следчыя ўстанавілі, што старонка і размешчаны на ёй ролік належыць 40-гадовай жанчыне.
Міліцыі, якая прыехала да жанчыны дадому, жанчына распавяла, што котка і трое яе кацянят былі бяздомнымі, яна забрала іх да сябе дадому вясной. Аднак у нейкі момант ёй не спадабалася паводзіны аднаго кацяняці, які падчас гульняў падрапаў ёй ногі. Таму жанчына адсекла яму галаву сякерай. Пазней ёй не спадабалася, што другое кацяня гучна мяўкае — і яна забіла яго такім жа чынам. А праз некаторы час забіла і саму котку. Трэцяму кацяняці ўдалося ўцячы.
«Фота і відэа, якія яна выкладвала ў сацыяльныя сеткі, сапраўды прыводзілі ў жах. На відэа яна ў прамым сэнсе адсякае галаву кацяняці і пачынае гуляць як футбольным мячом», — распавёў Сухадольскі.
Следчыя высветлілі, што першымі на відэа адрэагавалі супрацоўнікі дзіцячага садка, у які ходзіць малодшая дачка абвінавачанай. Сухадольскі ўдакладніў, што ў сям'і, акрамя малалетняй дачкі, яшчэ і 16-гадовы сын. Трэцяе дзіця ўжо паўналетняе і не жыве з мамай.
Педагогі прыйшлі ў жах ад убачанага і захацелі забраць дзяцей.
«Агрэсіўная жанчына не пагадзілася аддаць дзяцей педагогам і нават схапілася за сякеру. Але зноў жа трагедыі ўдалося пазбегнуць, супрацоўнікі міліцыі яе затрымалі», — паведаміў Сухадольскі.
Па выніках судова-псіхіятрычнай экспертызы ўстаноўлена, што жанчына магла ўсведамляць фактычны характар і грамадскую небяспеку сваіх дзеянняў, а таксама кіраваць імі. Ёй выстаўленае абвінавачванне паводле ч. 2 арт. 339-1 КК (жорсткае абыходжанне з жывёлай).
Судом яе прызналі вінаватай, ёй прызначана пакаранне: паўтара года пазбаўлення волі.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?21
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Чего они не судят забойщиков на мясокомбинатах ?
Почему не судят поедателей трупов свинней и коров ???
Чым свіння хужэй кошкі ?