Кандыдата ў Каардынацыйную раду ад «Народнай Грамады» выкінулі са спісу, бо ён даносчык. Стукаў на Аўтуховіча
У тэлеграм-канале партыі Народная Грамада, якая ідзе на выбары ў Каардынацыйную раду ў саюзе з часткай хрысціянскіх дэмакратаў, з'явілася інфармацыя пра выключэнне са спісу аднаго са сваіх сяброў, які засвяціўся ў злітай «Кіберпартызанамі» базе зваротаў у КДБ.
Паводле паведамлення, уначы 30 красавіка партыя атрымала інфармацыю, што адзін з яе актывістаў, Павел Бялюцін, з'яўляецца фігурантам паведамлення з базы, прытым роля ягоная там непрыглядная. У сувязі з гэтым неадкладна прынята рашэнне:
1. Прыпыніць сяброўства Бялюціна Паўла ў партыі Народная Грамада;
2. Выключыць Бялюціна Паўла з спісу кандыдатаў у Каардынацыйную Раду III склікання ад Аб'яднання беларускіх партый Народная Грамада і Беларуская Хрысціянская Дэмакратыя «Салідарнасць».
Паведамленне, за якое адносна Бялюціна было прынята такое хуткае рашэнне, было напісана 31 студзеня 2017 года і гучала так:
«Добры дзень. У мяне ёсць некаторыя падставы меркаваць, што грамадзянін РБ Аўтуховіч Мікалай Мікалаевіч прадумвае і пачынае ажыццяўляць падрыхтоўку да спробы ўзброенага захопу ўлады ў нашай рэспубліцы. Пра спробу даведаўся са слоў гр. Аўтуховіча М.М.»
Нагадаем, што 61-гадовы Мікола Аўтуховіч з пачатку снежня 2020 года адбывае ўжо трэцяе ў сваім жыцці зняволенне. Паводле прысуду Гродзенскага абласнога суда ён атрымаў 25 гадоў зняволення і грашовы штраф у 1000 базавых велічынь, а таксама пазбаўленне звання прапаршчыка ў адстаўцы. Першыя 5 гадоў зняволення былы прадпрымальнік і праваабаронца мусіць адбыць у турме, астатнія 20 гадоў — у калоніі строгага рэжыму.
Суд назваў Аўтуховіча вінаватым паводле 10 артыкулаў Крымінальнага кодэкса, у тым ліку ў стварэнні злачыннай групоўкі і акце тэрарызму. Сваёй віны Мікалай Аўтуховіч не прызнаў, падчас працэсу ён трымаў галадоўку пратэсту.
Беларускія праваабаронцы прызналі Мікалая Аўтуховіча палітвязнем.
Лідарам партыі Народная Грамада з'яўляецца іншы вядомы палітвязень — Мікалай Статкевіч, які цяпер адбывае 14-гадовы прысуд у калоніі асобага рэжыму ў Глыбокім.
Жонка былога вайскоўца, асуджанага ў Польшчы за шпіянаж, звярталася ў КДБ па «садзеянне і абарону»
Кіраўніца прадстаўніцтва «Белавія» ў Чэхіі патрабавала ад КДБ даведку аб стажы
У 2020-м муж схлусіў КДБ, што жонка ўдзельнічае ў мітынгах, таму што «сям'я развальвалася»
У КДБ данеслі нават на Віктара Каліну
Беларусы напісалі 40 тысяч даносаў? Не, гэта непраўдзівае сцверджанне
Цяпер чытаюць
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі9
Каментары
А вот стукачу белютину однажды придется очень не сладко,в Европу не уехать,а в расии найдут.