Прычым гэта надзвычай рэдкі від, які знаходзіцца пад пагрозай знікнення.
З кастрычніка па лістапад 2022 года на Кубе на кракадзілавай ферме драпежнікі забілі 145 чатырохмесячных дзіцянят кубінскага кракадзіла — гэта надзвычай рэдкі від, які знаходзіцца пад пагрозай знікнення. Напад здзейснілі бяздомныя кошкі, піша РБК са спасылкай на Live Science.
Эксперты пералічылі доказы таго, што атакі здзейснілі кошкі. Паблізу з месцам злачынства былі знойдзеныя футра і падазроныя адзнакі. Камеры сачэння зафіксавалі як мінімум адну кошку, якая зайшла ў вальер да кракадзілаў. Таксама супрацоўнікі фермы бачылі, як кошкі елі нешта побач з фермай.
Пасля там былі знойдзеныя фрагменты цел кракадзілаў. Атакі спыніліся пасля таго, як на ферме злавілі і павезлі ў іншае месца сем бадзяжных кошак. Доказаў, што ў вальерах былі і іншыя драпежнікі, даследчыкі не знайшлі.
Кубінскія кракадзілы жывуць толькі ў балотах Сапата і Ланьер. У дзікай прыродзе іх засталося каля 3 тысяч. У надзеі павялічыць папуляцыю штогод на ферме Zapata Swamp Crocodile Breeding Farm выпускаюць на волю каля 500 асобін.
Кубінскія кракадзілы маюць касцяныя грабяні за вачыма. Яны вельмі цікаўныя і агрэсіўныя. Могуць высока выскокваць з вады.
Джордж Амата з Інстытута параўнальнай геномікі Амерыканскага музея натуральнай гісторыі (ён не ўдзельнічаў у даследаванні аб нападах на кракадзілят, але адказаў на пытанні Live Science) звярнуў увагу на тое, што напады адбываліся ў штучным асяроддзі. У дзікай прыродзе нельга сустрэць велізарную колькасць дзіцянят кракадзілаў, закрытых у невялікім памяшканні.
І ўсё ж, на яго думку, даследаванне паказвае: вулічныя кошкі могуць аказваць большы ўплыў на папуляцыі дзікіх жывёл, чым лічыцца.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос3
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары
Ад мэты, якая ня месьціцца ў галасе, выводзіць небяспечнага драпежніка ў жабрацкай краіне, да рэалізацыі. Да таго ж неістотна, сапраўды каты паелі гэтую гідоту, ці старшыня кракадзілавага саўгасу пашыў са скуры чаравікаў, а скінуў на "злачынных" котак.
Не паўзіраўся яшчэ на вокс популі, цікава, якіх мордаў наставілі чытачы. Не зьдзіўлюся, што з пракракадылавай падводкой жаласьлівых
Эмпатычныя людзі, што сказаць, неўзабаве і курагадоўлю ў клетках, і ласосевыя фэрмы сабе забароняць "надз[ённым законам" з "гуманістычных" памкненьняў. Ядуцьмуць траву і жукоў, а фэрмы будуць з чырвонакніжнымі ядавітымі павукамі, зьмеямі ды кракадзіламі