Грамадства3535

Розе Турарбекавай давядзецца выключыць двух мужчын са свайго выбарчага спісу, каб адпавядаць гендарным квотам

На сённяшнім пасяджэнні Выбарчай камісіі, якая арганізуе выбары ў Каардынацыйную раду, абмяркоўвалася праблема, якая нечакана паставіла пад пагрозу існаванне цэлага выбарчага спісу. 

Роза Турарбекава, якой цяпер трэба прыняць цяжкое рашэнне. Фота: Наша Ніва

Казус узнік са спісам Аб'яднання «Наша справа» на чале з палітолагам Розай Турарбекавай, які складаецца з 14 чалавек. У апошні момант яго вырашылі пакінуць дзве жанчыны. 

І ўсё б нічога, але пасля таго спіс перастаў адпавядаць патрабаванням аб гендарных квотах, паводле якіх не менш за 40% кожнага спісу павінны складаць жанчыны. 

У выніку перад сябрамі Выбарчай камісіі ўзнікла дылема, што рабіць з гэтым спісам. Разглядаліся тры варыянты: 

1) Спіс здымаецца з выбараў, паколькі не выконвае фармальнага патрабавання па гендарнай квоце;

2) Спіс застаецца ў цяперашнім выглядзе, а на парушэнне гендарнай квоты камісія заплюшчвае вочы;

3) Спіс застаецца, але толькі пры ўмове, што да раніцы наступнага дня з яго выключаць любых двух мужчын на выбар саміх удзельнікаў спісу, пасля чаго гендарная квота будзе выкананая.

У выніку было прынята рашэнне, што Роза Турарбекава мусіць да 9-й гадзіны раніцы даць інфармацыю, якія двое мужчын будуць выключаныя са спісу. У адваротным выпадку спіс будзе з выбараў зняты.

На гэты момант у спіс Аб'яднання «Наша справа» ўваходзяць 8 мужчын: Віталь Рымашэўскі, Андрэй Лаўрухін, Аляксандр Паршанкоў, Павел Церашковіч, Уладзімір Далецкі, Канстанцін Акінчыц, Андрэй Жукавец (Лебядзінскі) і Віктар Саскевіч.

Пасля прыняцця рашэння па гэтым пытанні Выбарчая камісія перайшла да абмеркавання нашумелага кейса з рассылкай Аляксандрам Азаравым паведамлення праз чат-бот плана «Перамога». У ім быў заклік узяць удзел у выбарах і прагаласаваць на іх за спіс «Закон і правапарадак», які ўзначальвае Азараў. 

Каментары35

  • -2+2=0
    23.05.2024
    навошта выключаць? наадварот - узяць двух лесбіянак. во праблему знайшлі
  • Нейкае абы што
    23.05.2024
    Што за шыза? Са спісу выкінуць двух чалавек, якія нічога не парушалі?
    Затое Азараў, які парушыў правілы вядзення агітацыі за сябе, і які падставіў пад пагрозу турмы тысячы людзей у Беларусі застанецца? І потым за яго прагаласуе ўсё МВД з губазікам. Каб ён і надалей пастаўляў ім новыя ахвяры.
  • Мушчына 30 лет
    23.05.2024
    Может они специально, чтоб на их фоне даже самизнаетекто казался, ну поадекватнее как-то?

Цяпер чытаюць

Як выглядае знутры рэзідэнцыя Лукашэнкі «Краснасельскае»13

Як выглядае знутры рэзідэнцыя Лукашэнкі «Краснасельскае»

Усе навіны →
Усе навіны

Марзалюк пра адносіны з жонкай: Хаджу на задніх лапах11

Меркель: Трамп зачараваны пуцінскай Расіяй11

Загінуў 22-гадовы беларус Аляксандр «Лыч» Серада, які ваяваў за Украіну22

Клімат Беларусі становіцца цяплейшым хутчэй, чым у большасці краін свету8

Буйному дыспетчару таксі забаранілі працу ў Беларусі4

Марзалюк: Герб Пагоня ніколі не быў забаронены!29

Зяленскі зацвердзіў групу, якая будзе весці мірныя перамовы3

Што зменіцца для маркетплэйсаў і калі ўвядуць аплату толькі безнаяўнымі? Расказалі ў міністэрстве

Павел Дураў пакінуў Францыю і адправіўся ў Дубай па дазволе суда5

больш чытаных навін
больш лайканых навін

Як выглядае знутры рэзідэнцыя Лукашэнкі «Краснасельскае»13

Як выглядае знутры рэзідэнцыя Лукашэнкі «Краснасельскае»

Галоўнае
Усе навіны →

Заўвага:

 

 

 

 

Закрыць Паведаміць