Свет44

Колькасць загінулых падчас хаджу паломнікаў ужо перавысіла 1000 чалавек

Сёлетняе паломніцтва мусульман у Меку ўжо называюць адным з самых смяротных у гісторыі.

Мусульманскія паломнікі сядзяць пад пяклівым сонцам падчас хаджу ў Мецы. Фота: Rafiq Maqbool / AP

Як паведамляе агенцтва Associated Press са спасылкай на егіпецкіх чыноўнікаў, ужо больш за 1000 паломнікаў загінулі падчас хаджу ў Мецы з-за нечуванай спёкі. Яшчэ некалькі дзён таму колькасць загінулых была на палову менш.

Паводле двух чыноўнікаў у Каіры, якія падзяліліся данымі на ўмовах ананімнасці, большасць загінулых паломнікаў — гэта егіпцяне, і пры гэтым значная частка з іх паехала на хадж у Саудаўскую Аравію нелегальна праз шэраг турыстычных агенцтваў.

Урад Егіпта ўжо адклікаў ліцэнзіі 16 такіх агенцтваў, але афіцыйна не прызнае факт высокай смяротнасці паломнікаў. Такую ж маўклівую пазіцыю па ахвярах традыцыйна займае і ўрад Саудаўскай Аравіі, куды масава едуць паломнікі, адзначае Associated Press.

«Па нашай інфармацыі, якая не афішуецца публічна, прынамсі 630 егіпцян загінулі падчас сёлетняга хаджу і большасць з іх ужо пахаваныя ў Саудаўскай Аравіі, якая, дарэчы, таксама змагаецца з нелегальным прытокам паломнікаў, высылаючы іх з краіны дзясяткамі тысяч», — заявіў адзін з егіпецкіх дыпламатаў на ўмовах ананімнасці.

Усяго, па звестках Associated Press, у лік загінулых таксама ўвайшлі 165 паломнікаў з Інданэзіі, 98 з Індыі і яшчэ дзясяткі з Іарданіі, Туніса, Марока, Алжыра і Малайзіі. Таксама ёсць інфармацыя пра двух загінулых паломнікаў з ЗША.

Агенцтва падкрэслівае, што па колькасці ахвяр сёлетні хадж з'яўляецца адным з самых смяротных у гісторыі. Так, у 2015 годзе падчас хаджу ад спёкі і цісканіны загінула больш за 2400 паломнікаў, а ў 1990 па тым жа прычынам загінулі 1426 чалавек. Афіцыйна такія масавыя ахвяры ў Саудаўскай Аравіі ніколі не прызнаваліся.

***

Хадж — гэта шасцідзённае паломніцтва ў Меку і адзін з пяці слупоў ісламу, і ўсе мусульмане, у якіх ёсць сродкі, паводле догмаў ісламу, павінны здзейсніць яго хоць бы адзін раз на жыццё. На паломніцтва штогод адпраўляюцца больш за 2 мільёны чалавек.

Згодна з апублікаваным у мінулым месяцы даследаваннем Саудаўскай Аравіі, на правядзенне хаджу ўсё больш уплывае змяненне клімату, у якім гаворыцца, што тэмпература ў раёне правядзення рытуалаў павышаецца на 0,4 градуса па Цэльсіі кожнае дзесяцігоддзе.

Па даных саудаўскага Нацыянальнага метэаралагічнага цэнтра, у перыяд хаджу ў Мецы ў гэтым годзе штодзённыя высокія тэмпературы вар'іраваліся ад 46 да 49 градусаў па Цэльсіі. У такіх умовах мноства паломнікаў, асабліва нелегальных, страчваюць прытомнасць з цяжкімі цеплавымі ўдарамі і прыступамі ванітаў, бо не ў многіх прыезджых ёсць магчымасць хавацца ад пякельнай спёкі ў гатэлях.

Каментары4

  • Віталь
    23.06.2024
    Магчыа, Гасподзь паказвае ім, што іх вера - аблуда
  • Джып
    23.06.2024
    За іх перажываць не трэба. Для іх тамака памерці - гэта вельмі класна. Я размаўляў з муслімамі, яны нават жадаюць гэтага.
  • Алесь Нязгода
    23.06.2024
    Віталь, як і кожная іншая

Цяпер чытаюць

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў

Усе навіны →
Усе навіны

«Пачым шклянка бульбы?» У сеціве праз слёзы смяюцца з ураджаю3

Мінскія ўлады пракаментавалі чуткі пра адмену станцыі метро «Прафсаюзная»6

Intercars таксама адмяніла рэйс у Літву

«Пояс крэпасцяў» на Данбасе: чаму ён важны для Украіны1

Што адбываецца з квіткамі на аўтобусы з Мінска ў Вільню пасля масавай адмены рэйсаў? Гэта нешта ненармальнае19

Пастаўкі нафты па нафтаправодзе «Дружба» ў Еўропу зноў спыніліся3

Кім Чэн Ын узнагародзіў вайскоўцаў, што ваявалі з Украінай8

Хлопец паскардзіўся, што праз калапс на мяжы не можа выехаць з Варшавы ў Мінск. Беларусы падзяліліся лайфхакамі9

Беларусы ў сацсетках абураюцца, што дэкрэтніцам нібыта плацяць больш, чым тым, хто ходзіць на працу30

больш чытаных навін
больш лайканых навін

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў

Галоўнае
Усе навіны →

Заўвага:

 

 

 

 

Закрыць Паведаміць