На сталіцу абрынулася залева, у горадзе транспартны калапc.
На Мінск з раніцы абрынулася магутная залева, прычым у адрозненне ад ранейшых часоў, калі моцныя дажджы ішлі ў пэўных раёнах, то сёння катаклізм назіраецца ў розных кутках сталіцы: на Пушкінскай, Ціміразева, праспекце Пераможцаў, Веры Харужай і Камароўскім раёне, парка Чалюскінцаў, а таксама каля ГЦ «Еўропа» на Сурганава.
З Бараўлянаў з-за завесы дажджу немагчыма выехаць, ДАІ просіць людзей адмовіцца ад паездак на грамадскім транспарце.
Прагназуецца, што непагадзь пратрымаецца да 16 гадзін.
«Мінсктранс» паведамляе аб спыненні руху тралейбусаў на Сурганава, Кузьмы Чорнага, Куйбышава, бульвары Шаўчэнкі, Багдановіча, Пашкевіч, Карастаянавай, Арлоўскай.
На Веры Харужай дрэвы абрынуліся на аўтамабілі.
Праблемы назіраюцца на наступных маршрутах: на праспекце Пераможцаў у абодвух напрамках спыніліся тралейбусы маршруту №10 і аўтобусных маршрутаў №1, 44, 136, 133, 119С. На Сурганава, Куйбышава спыненыя тралейбусы маршрутаў №33, 34, 35, 38, 92.
На Кальварыйскай, Пінскай спыніліся тралейбусы на маршрутах №7, 9, 44.
На Карастаянавай, Арлоўскай — тралейбусаў на маршрутах №40, 92.
З-за моцнай залевы выехаць па МКАД з Бараўлян амаль немагчыма, паведамляюць чытачы «Мінскай праўды»
Сталічныя пасты ДАІ перакрываюць праезд на затопленыя ўчасткі Мінска — адзін з такіх заўважылі ў раёне Уручча:
На абочынах стаяць машыны. Вадзіцелі не рызыкуюць выязджаць на дарогу — з-за сцяны дажджу амаль нічога не відаць.
Пэўная ўсмешка прыроды ў тым, што акурат у гэтыя хвіліны Лукашэнка праводзіць нараду па ліквідацыі наступстваў урагану ў Гомельскай вобласці.
Раніцай 18 ліпеня Аляксандр Лукашэнка заслухаў даклад старшыні Гомельскага аблвыканкама Івана Крупко аб ліквідацыі ў рэгіёне наступстваў урагану, паведаміла БелТА.
Лукашэнка трымае на асабістым кантролі аднаўленчыя работы па ліквідацыі наступстваў стыхіі. Ім пастаўлена задача да раніцы заўтрашняга дня завяршыць усе работы па падключэнні насельніцтва да электрасілкавання, у тым ліку ў самых аддаленых населеных пунктах, рапартуе яго прэс-служба.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары
- Неправільныя залевы у Менску:
ряяяя, Лукошенко віноват, 30 лет стабільності, колхоз, это вам наказаніе за Украіну, ряяя!!1!
- Халяльныя залевы ў Эўропе і Штатах:
ом-ном-ном! Какой демократіческій і свободный ураган!
Крынж? Крынж.
P.S. Вы просили дождь? Я дал вам дождь!