У Мінску затрымалі расійскага тыктокера з 5 мільёнамі падпісчыкаў — і прымусілі выбачацца
Блогер Глебас прыехаў у Беларусь да сябра на дзень нараджэння і зняў некалькі ролікаў, якія зацікавілі сілавікоў.
Сілавікі ў Мінску затрымалі папулярнага расійскага тыктокера Глебаса — у яго 5,2 млн падпісчыкаў у тыктоку і яшчэ 150 тысяч у Instagram.
Міліцыю зацікавілі два ролікі, якія Глеб Дзямідаў зняў у беларускай сталіцы і, мяркуючы па ўсім, апублікаваў у выглядзе паведамленняў у сваім тэлеграм-канале.
На першым роліку блогер увайшоў у кабіну тралейбуса на прыпынку недалёка ад вакзала і збянтэжыў жанчыну-кіроўцу. На другім — гучна распавёў нецэнзурны анекдот у вагоне метро.
У выніку сілавікі запісалі з Глебасам сваё відэа, на якім прымусілі блогера папрасіць прабачэння за тое, што ён «даў няправільны прыклад моладзі».
Тыктокер на камеру кажа, што больш такім займацца не будзе, каб «моладзь раўнялася на іншыя прыклады — той жа спорт».
На відэа сілавікоў Глеба распавёў, што прыехаў у Мінск на дзень нараджэння сябра. МУС паведамляе, што на блогера склалі пратакол за дробнае хуліганства.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары