Васкрасенскі заявіў, што 900 палітвязняў напісалі прашэнні аб памілаванні
«Калі раней гэтых зваротаў былі дзясяткі, то цяпер гэтых зваротаў сотні», — кажа грамадскі дзеяч.
Каля 900 зваротаў аб памілаванні ўжо паступіла ў адрас беларускіх уладаў ад асоб, асуджаных за беспарадкі ў 2020 годзе, заявіў палітычны эксперт Юрый Васкрасенскі ў эфіры тэлеканала «Беларусь 1» у суботу ўвечары.
«Калі раней гэтых зваротаў былі дзясяткі, то цяпер гэтых зваротаў сотні. Практычна зараз каля 900 зваротаў ужо паступіла ў адрас беларускіх уладаў. Усе хочуць выйсці на волю, і прычым, калі верыць таму, што яны пішуць, яны ўсе, асабліва ў кантэксце з украінскімі падзеямі, усвядомілі, у што магла б ператварыцца наша квітнеючая, мірная, утульная рэспубліка», — сказаў Васкрасенскі.
Пацвердзіць яго словы немагчыма, раней ён увесь час распаўсюджваў няпраўду.
Нагадаем, што ў пятніцу было абвешчана, што Лукашэнка памілаваў 30 палітвязняў, аднак прозвішчы за выходныя не былі названыя.
-
На беларускіх аўтамагістралях паставяць чырвона-зялёную лазерную сістэму апавяшчэння
-
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі
-
На «Белсаце» запусцілі шоу доўгіх гутарак з Глафірай Жук
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі
Каментары
Бо беларускія палітвязні - гэта закладнікі ў тэрарыстынай пракрамлёўскай банды, якая ўтрымлівае іх ў катавальных умовах, забіраючы здароўе і павольна забіваючы, няспынна шантажуючы пагрозай змяшчэння ў ШЫЗА, даданнем тэрміну зняволення, пераследам сваякоў і г.д.
Непазбежна прыйдзе час - і людажэрная лукашысцкая банда адкажа за ўсё, але зараз закладнікам варта выкарыстоўвываць любы шанс на вызваленне, падпісваючы любыя паперкі, калі гэта не стварае небяспеку канкрэтным людзям.