Vaskrasienski zajaviŭ, što 900 palitviaźniaŭ napisali prašeńni ab pamiłavańni
«Kali raniej hetych zvarotaŭ byli dziasiatki, to ciapier hetych zvarotaŭ sotni», — kaža hramadski dziejač.
Kala 900 zvarotaŭ ab pamiłavańni ŭžo pastupiła ŭ adras biełaruskich uładaŭ ad asob, asudžanych za biesparadki ŭ 2020 hodzie, zajaviŭ palityčny ekśpiert Juryj Vaskrasienski ŭ efiry telekanała «Biełaruś 1» u subotu ŭviečary.
«Kali raniej hetych zvarotaŭ byli dziasiatki, to ciapier hetych zvarotaŭ sotni. Praktyčna zaraz kala 900 zvarotaŭ užo pastupiła ŭ adras biełaruskich uładaŭ. Usie chočuć vyjści na volu, i pryčym, kali vieryć tamu, što jany pišuć, jany ŭsie, asabliva ŭ kantekście z ukrainskimi padziejami, uśviadomili, u što mahła b pieratvarycca naša kvitniejučaja, mirnaja, utulnaja respublika», — skazaŭ Vaskrasienski.
Paćvierdzić jaho słovy niemahčyma, raniej jon uvieś čas raspaŭsiudžvaŭ niapraŭdu.
Nahadajem, što ŭ piatnicu było abvieščana, što Łukašenka pamiłavaŭ 30 palitviaźniaŭ, adnak proźviščy za vychodnyja nie byli nazvanyja.
-
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
-
Rejtynh najlepšych haradoŭ śvietu — 2026. Na jakim miescy Minsk?
-
Biełaruska pierakładała dla prezidenta Ekvadora, pracavała ściuardesaj, a ciapier adkryła ŭ Mieksicy svaju moŭnuju škołu «Ruskaja z ruskaj»
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Bo biełaruskija palitviaźni - heta zakładniki ŭ terarystynaj prakramloŭskaj bandy, jakaja ŭtrymlivaje ich ŭ katavalnych umovach, zabirajučy zdaroŭje i pavolna zabivajučy, niaspynna šantažujučy pahrozaj źmiaščeńnia ŭ ŠYZA, dadańniem terminu źniavoleńnia, pieraśledam svajakoŭ i h.d.
Niepaźbiežna pryjdzie čas - i ludažernaja łukašysckaja banda adkaža za ŭsio, ale zaraz zakładnikam varta vykarystoŭvyvać luby šans na vyzvaleńnie, padpisvajučy lubyja papierki, kali heta nie stvaraje niebiaśpieku kankretnym ludziam.