Прэзідэнт Украіны Уладзімір Зяленскі на сустрэчы з замежнымі дыпламатамі расказаў аб развіцці аперацыі УСУ ў Курскай вобласці.
Уладзімір Зяленскі заявіў, што Узброеныя сілы Украіны кантралююць 92 населеныя пункты ў Курскай вобласці.
Паводле яго слоў, якія прыводзіць прэс-служба прэзідэнта Украіны, пад кантролем УСУ знаходзіцца больш за 1250 кв. км тэрыторыі.
«На сёння нашы сілы кантралююць больш за 1250 квадратных кіламетраў тэрыторыі ворага і 92 населеныя пункты. Ідзе ўмацаванне нашых пазіцый, стабілізацыя азначаных раёнаў і папаўненне абменнага фонду для Украіны», — сказаў Зяленскі.
Прэзідэнт Украіны адзначыў, што аперацыя ў Курскай вобласці стала «самай вялікай інвестыцыяй у працэс вызвалення ўкраінцаў і ўкраінак з расійскага палону».
«Мы ўжо атрымалі найбольшую колькасць расійскіх палонных за адну аперацыю, і гэта важкі вынік, і гэта адна з нашых мэт, і нашы дзеянні прадаўжаюцца», — растлумачыў кіраўнік украінскай дзяржавы.
Зяленскі канстатаваў, што частка расійскага прыгранічча побач з Сумскай вобласцю была ачышчана ад расійскіх войскаў — і гэта таксама было адной з мэт аперацыі.
Прэзідэнт Украіны заклікаў замежных партнёраў зняць абмежаванні на прымяненне дальнабойнай зброі на расійскай тэрыторыі, увесці новыя санкцыі супраць расійскага банкаўскага сектара, а таксама заключыць доўгатэрміновыя пагадненні з Украінай. На думку Зяленскага, усё гэта дазволіць прымусіць Расію да міру.
У канцы мінулага тыдня галоўнакамандуючы УСУ Аляксандр Сырскі заяўляў, што ўкраінская армія кантралюе 82 населеныя пункты Курскай вобласці.
Па падліках BBC, у Суджанскім, Каранёўскім і Глушкаўскім раёнах Курскай вобласці, куды ўвайшлі часткі УСУ, у суме 186 населеных пунктаў.
Бізнэсовец з Пецярбурга, які зарабляе на пахаванні загінулых на вайне, запатрабаваў ад мужчын перастаць з'язджаць з Курска
У Курскую вобласць увайшло танкавае падраздзяленне беларускіх добраахвотнікаў
Вайскоўцы не верылі Сырскаму, калі ён расказаў ім пра планы. Сталі вядомыя падрабязнасці аперацыі ў Курскай вобласці
Цяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу8
Каментары